تۇرىك بالىقشىلارى رەسەيلىكتەردىڭ ەگەي تەڭىزىندەگى «اتىس» تۋرالى ايتقاندارىن جوققا شىعارۋدا.

تۇرىك بالىق اۋلاۋشى كەمەسىنىڭ يەسى CNN Turk ارناسىنا ەگەي تەڭىزىندەگى وقيعا كەزىندە تۇرىك كەمەسىنىڭ رەسەيلىك كەمەدەن 2 شاقىرىم قاشىقتىقتا بولعانىن حابارلادى.

ء «بىز ءوزىمىزدىڭ باعىتىمىز بويىنشا جۇزدىك. ءبىز ءتىپتى ونىڭ رەسەيلىك كەمە ەكەنىن دە بىلمەدىك. بۇل ناتو كەمەسى شىعار دەدىك. تاڭعى 8:30-دا ونىڭ جانىنان وتتىك. وق اتىلعانىن ەستىمەدىك.»، — دەيدى Hurriyet باسىلىمىنا سۇحبات بەرگەن كەمەنىڭ مۋزاففار ەسىمدى كاپيتانى

بۇعان دەيىن رەسەيدىڭ قورعانىس مينيسترلىگى رەسەيلىك "سمەتليۆىي" كۇزەت كەمەسىنىڭ ەگەي تەڭىزىندە سوقتىعىسۋ قاۋپىن بولدىرماۋ ءۇشىن، تۇرىك كەمەسىنە قارسى اتىس قارۋىنان ەسكەرتۋ وق اتقانىن مالىمدەگەن ەدى.

ولاردىڭ مالىمەتىنشە، بىرنەشە مارتە اتىلعان وقتان سوڭ، تۇرىك كەمەسى باعىتىن وزگەرتكەن. زارداپ شەككەندەر تۋرالى دەرەك جوق. وقيعاعا بايلانىستى رەسەي قورعانىس مينيسترلىگىنە تۇركيانىڭ اسكەري اتتاشەسى شاقىرىلدى. 

Abai.kz