قانات يسلام گەننادي گولوۆكينمەن جۇدىرىقتاسۋعا دايىن. بۇل تۋرالى قازاقستاندىق كاسىپقوي بوكسەر قانات يسلامنىڭ پروموۋتەرى نەلسون لوپەس كولۋمبيالىق حۋانا دە انحەلياعا قارسى جەكپە-جەگىنىڭ الدىندا مالىمدەگەن بولاتىن،-دەپ حابارلايدى Sports.kz پورتالى.

"قازىر قازاقستاندا تەك گولوۆكين تۋرالى كوپ ايتىلادى، ال قانات ەكىنشى ورىندا قالادى. ونىڭ اتىن مىڭداعان ادام بىلەدى ءارى ءوز ەلىندە جانكۇيەرلەرى دە كوپ. بىزگە الدىعا جىلجۋعا سەرپىلىس كەرەك، بۇل وسى جەكسەنبىدە بولادى دەپ ۇمىتتەنەمىن. گولوۆكين مەن كەزدەسۋ ءۇشىن 160-قا دەيىن كوتەرىلۋى كەرەك. ونىڭ جۇلدىز بولۋى ۋاقىتتىڭ ەنشىسىندە", - دەيدى لوپەس.

ايتا كەتەيىك، كاسىبي بوكستاعى كەزەكتى كەزدەسۋىن كولۋمبيالىق حۋان دە انحەلمەن وتكىزگەن قانات يسلام نوكاۋتپەن جەڭىسكە جەتتى. جەكپە-جەكتىڭ التىنشى راۋندىندا نوكداۋن الىپ، ەسەڭگىرەپ قالعان كولۋمبيالىق بوكسشى كەزدەسۋدى جالعاستىرۋدان باس تارتتى.

"قازاقستان" ارناسىنىڭ تىكەلەي ەفيرىندە كورسەتىلگەن جەكپە-جەكتەن سوڭ قانات يسلام جانكۇيەرلەرى مەن سپورتتاعى قولداۋشىسى باۋىرجان وسپانوۆقا العىس ايتىپ، "قازاق ەلى تىنىش بولسىن" دەگەن تىلەگىن جولدادى.

قانات يسلام وسىلايشا كاسىبي بوكستاعى 21-ءشى جەكپە-جەگىندە جەڭىسكە جەتتى. نوكاۋتتار سانى - 18. بوكسشىنىڭ جەكپە-جەگى تەلەارنا ارقىلى قازاق جانكۇيەرلەرىنە العاش رەت كورسەتىلىپ وتىر.

Abai.kz