جەردى ساتۋ مەن جالعا بەرۋ ماسەلەسىنە قاتىستى «Abai.kz» پورتالىنا ارنايى سۇحبات بەرىپ، كوكەيىمىزدەگى قوردالانىپ جاتقان كوپ سۇراققا ناقتى ءارى دالەلدى جاۋاپ بەرىپ، ماسەلەنىڭ ءمان-جايىن تۇسىندىرۋگە تىرىسقان ۆيتسە-مينيستر قايىربەك وسكەنباەۆ مىرزا دا كەشە باستىعى دوساەۆتىڭ سوڭىنان وتستاۆكاعا كەتكەنىن حابارلاعان ەدىك.

ۇلتتىق ەكونوميكا مينيسترلىگىنىڭ باسشىسىنىڭ بۇرىنعى ورىنباسارى قايىربەك وسكەنباەۆ وتستاۆكاعا كەتۋى جايلى پىكىرىن جانە ەندى نەمەن اينالىساتىنىن ايتتى، - دەپ حابارلايدى Tengrinews.kz سايتى. 

ء«وز كەزىندە سەنىم بىلدىرگەن مەملەكەت باسشىسىنا زور العىسىمدى بىلدىرەمىن - مەن ەكى رەت ۆيتسە-مينيستر بولدىم، بىرىنشىسىندە تۋريزم جانە سپورتتىڭ ۆيتسە-ءمينيسترى، ەكىنشىسىندە ۇلتتىق ەكونوميكا ۆيتسە-ءمينيسترى بولدىم. وتانىمنىڭ يگىلىگى ءۇشىن جۇمىس ىستەۋگە مۇمكىندىك بەرگەنىنە العىس ايتامىن. ارينە، ۇكىمەت پەن ءمينيسترىمنىڭ سەنىمىن اقتاماعانىم ءۇشىن مەملەكەت باسشىسىنان كەشىرىم سۇرايمىن. ءوز وتستاۆكاما تەك جاقسى جاعىنان قارايمىن جانە ماعان قاتىستى دۇرىس شەشىم قابىلداندى دەپ ەسەپتەيمىن»، - دەدى وسكەنباەۆ. 

قايىربەك ايتبايۇلى وتستاۆكاعا كەتكەن سوڭ ناقتى نەمەن اينالىساتىنىن ايتپاعانىمەن، ءبىراز ۋاقىت دەمالۋدى ءجون كورگەن سەكىلدى.

«ازىرشە ەشتەڭەمەن اينالىسپايمىن، كىشكەنە بولسا دا دەمالامىن، سودان كەيىن ءوز قىزمەتىمدى ۇسىنامىن، جەكە سەكتورعا باراتىن شىعارمىن»، - دەدى ەكس-ۆيتسە-مينيستر.

ول مەملەكەت باسشىسىنىڭ جەر كودەكسىنىڭ ناقتى قاي ءتورت نورماعا موراتوري جاريالاعانى جايلى ايتقانى تۋرالى سۇراققا جاۋاپ بەردى.

«قازىر وندا جەر كوميسسياسى جۇمىس ىستەپ جاتىر، ولار قاي نورمالار جايلى ءسوز بولعانىن انىقتايدى، مەنىڭشە بىلىكتى ماماندار ماسەلەنى شەشەدى»، - دەدى قايىربەك وسكەنباەۆ.

ايتا كەتەيىك، وسىعان دەيىن قايىربەك وسكەنباەۆ ۆيتسە-مينيستر بولىپ تۇرعاندا جەر زاڭناماسىنا قاتىستى ءب»زدىڭ پورتالىمىزعا ەكسكليۋزيۆتى سۇحبات بەرىپ، 49 جىلعا جالعا الىپ وتىرعان شارۋالاردىڭ جەرلەرىن ەشكىم تارتىپ المايتىنىن تۇسىندىرگەن ەدى (http://abai.kz/post/view?id=7649).
Abai.kz