قوعامدىق ورتادا قوتىر-قوراش مالىمدەمەلەرىمەن قوعامنىڭ تالقىسىنا ءتۇسىپ جۇرگەن قاراعۇسوۆا حانىم باق-قا بەرگەن سۇحباتتارىن بۇرمالاعانى ءۇشىن جۋرناليستەرگە كەزەكتى رەت وكپە رەنىشىن جاريا ەتتى.

دەپۋتات حانىمنىڭ ايتۋىنشا،  ونىڭ سويلەگەن سوزدەرىن بۇرمالاپ، جۇرتقا جەكسۇرىن ەتىپ كورسەتكەن جۋرناليستەردىڭ دەنى شالا ساۋاتتى ەكەن.

قاراقۇسوۆا حانىمنىڭ ءوزىنىڭ ايتپاعىنشا، مەملەكەتتىڭ وكىلى، دەپۋتات گۇلجان قاراقۇسوۆا حانىمنىڭ رەسمي تىلدە بەرگەن سۇحباتىن مەملەكەتتىك تىلگە سوزبە-ءسوز اۋدارىپ بەرگەندى ءجون كوردىك.

«قازىر وكىنىشكە وراي كوپتەگەن ەلدەردەگىدەي كونتەكستەن كەسىپ الىپ، ونى ساراپتامايتىن (انىق-قانىعىنا جەتپەي – رەد.) ءۇردىس قالىپتاستى. جالپى، سىزدەر، جۋرناليستەر ەڭ مىقتى ساراپتاماشى بولۋلارىڭىز كەرەك قوي. مەن وسىنى ءاردايىم ايتىپ كەلەمىن. «پوەتومۋ ۋ ناس ۆ سوۆەتسكوم سويۋزە پورفەسسيا جۋرناليستا پيات لەت، ا ۆووبششە سناچالا پولۋچاەت بازوۆۋيۋ پروفەسسيۋ. ون مەجدۋنارودنيك يلي ەكونوميست، يلي يۋريست ي پوتوم تولكو ستانوۆيتسيا وبازرەۆاتەلوم.» (قاراقۇسوۆا حانىمنىڭ بۇل ايتقاندارىن سوزبە-ءسوز اۋداراتىن بولسا، «سوندىقتان ءبىزدىڭ سوۆەت وداعىندا جۋرناليستەردى دايىنداۋعا 5 جىل ۋاقىت كەرەك بولعان..، » دەگەنگە سايادى. سوندا قازاقستاننىڭ جاڭا سايلانعان ماجىلىسىندەگى بىلدەي ءبىر قارجى جانە بيۋدجەت كوميتەتىنىڭ ءتورايىمى قازاقستان رەسپۋبليكاسىنىڭ تاۋەلسىز مەملەكەت ەكەنىن بىلمەي مە دەگەن زاڭدى سۇراق تۋادى – رەد.) ءارى قاراي دەپۋتات حانىم ءسوزىن بىلاي جالعايدى; سىزدەردىڭ سوزدەرىڭىز حالىققا جەتەتىن، ەڭ سوڭعى ءسوز. ەشكىم ساراپتاما جاسامادى. سول كونتەكستەن الىناتىن جەرلەر عانا الىندى دا قالعانى قالدى. ونىڭ اقىرىندا شىندىققا مۇلدە جاناسپايتىن پىكىرلەر جازىلدى، ايتىلدى.

P.S: ءدال بۇگىن، ساناۋلى عانا ساتتەر بالكىم ساعاتتار بۇرىن قازاقستان پرەزيدەنتى نۇرسۇلتان نازارباەۆ حالىقتىڭ قارسىلىعىن تۋدىرعان ۇكىمەتتىڭ جەردى ساتۋ جانە شەتەلدىكتەرگە جالعا بەرۋ تۋرالى زاڭ جوباسىنا موراتوري جاريالاپ جاتقاندا، ءماجىلىستىڭ كوميتەت باسشىسى قاراقۇسوۆا حانىم «اۋزىم اپامدىكى ەدى» دەپ اقتالىپ، ودان قالسا ءوزىنىڭ بەيساياسي مالىمدەمەلەرى ءۇشىن جۋرناليستەردى كىنالاپ شىقتى. ەڭ سوراقاسى مەملەكەت باسشىسىنىڭ ءوزى جەردى ساتپاق تۇگىلى جالعا بەرۋگە بولمايدى دەپ جاتقاندا قاراقۇسوۆا حانىمنىڭ ء«بىزدىڭ سوۆەت وداعىندا» دەپ سويلەۋىنە جول بولسىن.

ايسۇلۋ تۇرسىنباەۆا

Abai.kz