قازاقستان رەسپۋبليكاسى پارلامەنتى ءماجىلىسىنىڭ  جالپى وتىرىسىندا  دەپۋتات نۇرتاي سابيليانوۆ ءبىلىم جانە عىلىم ءمينيسترى جانسەيىت تۇيمەباەۆقا ساۋال جولدادى.

قازىرگى ۋاقىتتا ورتا مەكتەپ تۇلەكتەرىنىڭ ۇلتتىق بىرىڭعاي تەست تاپسىرۋىنا بايلانىستى بىرقاتار ماسەلەلەر تۋىنداپ وتىر.

اتاپ ايتقاندا، شىعىس قازاقستان وبلىسى سەمەي، اياگوز، زايسان قالالارىنان، جارما اۋدانىنان كەلىپ جاتقان حاتتاردا  ازاماتتار مەكتەپ تۇلەكتەرىنىڭ ۇلتتىق بىرىڭعاي تەست تاپسىرعان كەزدە 1 بالل جەتپەي قالۋىنا بايلانىستى «التىن بەلگى» الا الماي وتىرعانىن جازعان.

مىسالى، 1) شىعىس قازاقستان وبلىسى جارما اۋدانى ۇشبيىك اۋىلىنداعى ورتا مەكتەپ تۇلەگى قاليحانوۆ قۋانىش ۇبت-دا  103 بالل جيناعان. ال، ورىس ءتىلى بويىنشا 17 بالل الىپ، «التىن بەلگى» الۋعا 1 بالل جەتپەي قالعان. ورىس ءتىلى ءپانىنىڭ №19 سۇراعىنىڭ جاۋابىن قازاق تىلىندە وقيتىن مەكتەپتەر ءۇشىن ارنالعان كىتاپقا سايكەس دايىندالعاندىقتان سول كىتاپتاعىداي جاۋاپ بەرگەن. اۋداندىق اپەللياتسيالىق كوميسسيا ق.قاليحانوۆتى قولداعانىمەن، رەسپۋبليكالىق اپەللياتسيالىق كوميسسيا ونى قولداماعان.

2) سەمەي قالاسى №37 گيمنازياسىنىڭ تۇلەگى - ەسەمباەۆا اسەم ۇبت-دا 119 بالل جيناعان. بىراق قازاق تىلىنەن 1 بالل جەتپەگەندىكتەن، «التىن بەلگىگە» ىلىنە الماعان.

3) سەمەي قالاسى №16 ورتا مەكتەبىنىڭ تۇلەگى ەڭلىك سەرىكبولقىزى ۇبت-دا 112 بالل جيناعان. بىراق، ماتەماتيكادان 1 بالل جەتپەي قالعاندىقتان، «التىن بەلگى» الا المايتىن بولىپ وتىر.

قازاقستان رەسپۋبليكاسى پارلامەنتى ءماجىلىسىنىڭ  جالپى وتىرىسىندا  دەپۋتات نۇرتاي سابيليانوۆ ءبىلىم جانە عىلىم ءمينيسترى جانسەيىت تۇيمەباەۆقا ساۋال جولدادى.

قازىرگى ۋاقىتتا ورتا مەكتەپ تۇلەكتەرىنىڭ ۇلتتىق بىرىڭعاي تەست تاپسىرۋىنا بايلانىستى بىرقاتار ماسەلەلەر تۋىنداپ وتىر.

اتاپ ايتقاندا، شىعىس قازاقستان وبلىسى سەمەي، اياگوز، زايسان قالالارىنان، جارما اۋدانىنان كەلىپ جاتقان حاتتاردا  ازاماتتار مەكتەپ تۇلەكتەرىنىڭ ۇلتتىق بىرىڭعاي تەست تاپسىرعان كەزدە 1 بالل جەتپەي قالۋىنا بايلانىستى «التىن بەلگى» الا الماي وتىرعانىن جازعان.

مىسالى، 1) شىعىس قازاقستان وبلىسى جارما اۋدانى ۇشبيىك اۋىلىنداعى ورتا مەكتەپ تۇلەگى قاليحانوۆ قۋانىش ۇبت-دا  103 بالل جيناعان. ال، ورىس ءتىلى بويىنشا 17 بالل الىپ، «التىن بەلگى» الۋعا 1 بالل جەتپەي قالعان. ورىس ءتىلى ءپانىنىڭ №19 سۇراعىنىڭ جاۋابىن قازاق تىلىندە وقيتىن مەكتەپتەر ءۇشىن ارنالعان كىتاپقا سايكەس دايىندالعاندىقتان سول كىتاپتاعىداي جاۋاپ بەرگەن. اۋداندىق اپەللياتسيالىق كوميسسيا ق.قاليحانوۆتى قولداعانىمەن، رەسپۋبليكالىق اپەللياتسيالىق كوميسسيا ونى قولداماعان.

2) سەمەي قالاسى №37 گيمنازياسىنىڭ تۇلەگى - ەسەمباەۆا اسەم ۇبت-دا 119 بالل جيناعان. بىراق قازاق تىلىنەن 1 بالل جەتپەگەندىكتەن، «التىن بەلگىگە» ىلىنە الماعان.

3) سەمەي قالاسى №16 ورتا مەكتەبىنىڭ تۇلەگى ەڭلىك سەرىكبولقىزى ۇبت-دا 112 بالل جيناعان. بىراق، ماتەماتيكادان 1 بالل جەتپەي قالعاندىقتان، «التىن بەلگى» الا المايتىن بولىپ وتىر.

4) زايسان قالاسىنىڭ م.لومونوسوۆ اتىنداعى ورتا مەكتەپتىڭ تۇلەگى - جاناباەۆ ءمادي ۇبت-دا 115 بالل جيناعان. بىراق، ماتەماتيكادان 1 بالل جەتپەي قالعاندىقتان، وعان «التىن بەلگى» بەرىلمەيتىن بولدى.

11 جىل بويى وتە جاقسى باعالار العان، ۇزدىك وقىعان تۇلەكتەرگە 1 بالل جەتپەگەندىكتەن «التىن بەلگى» بەرمەۋ بالالاردىڭ ساعىن سىندىرىپ، ومىرگە، وقۋعا دەگەن تالپىنىسىن، ۇمتىلىسىن جوققا شىعارمايدى ما دەگەن سۇراق تۋىندايدى. بۇل بالانىڭ دەنساۋلىعىنا دا اسەر ەتەتىن ۇلكەن ماسەلە بولىپ وتىر.

تاعى ءبىر ماسەلە - ۇلتتىق بىرىڭعاي تەستىلەۋگە قالا، اۋدان مەكتەپتەرى تۇلەكتەرىنىڭ تولىق قاتىسپاۋى. نەگە، نە سەبەپتەن ۇبت-عا قالا، اۋدان مەكتەپتىرىنىڭ تۇلەكتەرى 100 پايىز قاتىسپايدى؟  وعان تالداۋ جاسالدى ما؟ كوپتەگەن مەكتەپ تۇلەكتەرىنىڭ ۇبت-عا قاتىسپاۋى ۇبت بويىنشا رەيتينگتى  جوعارلاتامىز دەپ جاسالىپ جاتقان جوق پا؟ سوندىقتان ۇبت قورىتىندىسى بويىنشا  وبلىس، قالا، اۋدان مەكتەپتەرىنىڭ رەيتينگىسى شىعارىلعاندا مەكتەپ تۇلەكتەرىنىڭ ۇبت-عا قاتىسۋ سانى دا ەسكەرىلۋى كەرەك دەپ ويلايمىن.

وسىعان بايلانىستى سىزدەن:

1)  «التىن بەلگىدەن» ۇمىتكەر تۇلەكتەردىڭ 11 جىل بويى ۇزدىك وقىعانىن، وبلىستىق، رەسپۋبليكالىق، حالىقارالىق وليمپيادالارعا قاتىسقانىن ەسكەرە وتىرىپ، ۇلتتىق بىرىڭعاي تەستىلەۋدە 1 بالل جەتپەيتىنىنە قاراماستان «التىن بەلگى» بەرۋ ماسەلەسىن قاراستىرۋدى;

2) وبلىستاردا، اۋدانداردا ۇلتتىق بىرىڭعاي تەستىلەۋدىڭ قورىتىندىسىنا سايكەس رەيتينگ جاسالعاندا قالا، اۋدان مەكتەپتەرى تۇلەكتەرىنىڭ ۇبت-عا قاتىسۋ سانى ەسكەرىلۋ ماسەلەسىن قاراستىرۋدى;

3) شىعىس قازاقستان وبلىسى بويىنشا ۇلتتىق بىرىڭعاي تەستىلەۋدىڭ قورىتىندىسى تۋرالى اقپاراتتى بەرۋىڭىزدى سۇرايمىن.

قر پارلامەنتى ءماجىلىسى اپپاراتىنىڭ  باسپاسوز قىزمەتى