ناتو مەن رەسەي ەكى جىلدىڭ ىشىندە ءبىرىنشى رەت كەزدەسۋ وتكىزبەكشى
20 ساۋىردە ناتو وكىلدەرى سوڭعى ەكى جىلدىڭ ىشىندە ءبىرىنشى رەت رەسەيمەن رەسمي كەزدەسۋ وتكىزبەكشى. بۇل جونىندە ناتو ءباسپاسوز حاتشىسى سەيسەنبى كۇنى حابارلادى. كۇن تارتىبىندە ۋكرايناداعى داعدارىس پەن اۋعانستان ماسەلەلەرى قارالادى.
"بۇل كادىمگە بيزنەسكە قايتا ورالۋ ەمەس، بىزگە ديالوگ كەرەك", – دەيدى ناتو ءباسپاسوز حاتشىسى.
ناتو ماسكەۋدىڭ قىرىمدى اننەكسيالاۋىنا قارسىلىق رەتىندە 2014 جىلدىڭ ساۋىرىنەن باستاپ رەسەيمەن بارلىق قارىم-قاتىناستى ۇزگەن.
دەگەنمەنەن رەسەي مەن ونىڭ سۋىق سوعىس كەزىنەن بەرگى قارسىلاستارىن بىرىكتىرەتىن "رەسەي– ناتو" كەڭەسى ەشقاشان رەسمي توقتاعان ەمەس. سوڭعى كەزدەسۋ رەسەي قىرىمدى وزىنە قوسىپ العاننان كەيىن، 2014 جىلدىڭ ماۋسىم ايىندا ورىن الدى. بىراق قارىم-قاتىناس كۇرت ناشارلادى. ەكى تاراپ تا تەك رەسەي – ناتو كەڭەسىندەگى بريۋسسەلدەگى ەلشىلەر دەڭگەيىندە عانا كەلىسسوز جۇرگىزدى.
باتىس پەن رەسەي اراسىندا ۋكرايناعا قاتىستى كەلىسپەۋشىلىك ساقتالعانىمەن، كەزدەسۋ ديپلوماتيالىق قاتىناستى جاقسارتۋعا دايىن ەكەندىكتەرىن بىلدىرەدى دەپ حابارلايدى رەيتەر اگەنتتىگى.
ناتو شىعىس ەۋروپادا اسكەر سانىن ءوسىردى. دەگەنمەن اليانس ماسكەۋدەن اسكەري سالادا اشىقتىقتىڭ بولۋىن سۇراپ، كەلىسسوز جۇرگىزبەكشى.
اباي-اقپارات
