اتامباەۆ ۇكىمەتىنىڭ وتستاۆكاسىن قابىل الدى
قىرعىز پرەزيدەنتى المازبەك اتامباەۆ 11 ساۋىردە پرەمەر-مينيستر مەن ۇكىمەتتىڭ وتستاۆكاسىن قابىلدايتىنى تۋرالى جارلىققا قول قويدى. بۇل جونىندە پرەزيدەنتتىڭ ءباسپاسوز قىزمەتى حابارلادى.
"پرەمەر-مينيستر تەمير ساريەۆتىڭ ءوتىنىشى قابىلدانسىن. ۇكىمەت وتستاۆكاعا كەتتى دەپ ەسەپتەلسىن", - دەلىنگەن جارلىق ماتىنىندە.
الايدا پرەمەر، ۆيتسە-پرەمەرلەر مەن ۇكىمەتتىڭ وزگە دە مۇشەلەرى مينيسترلەر كابينەتىنىڭ جاڭا قۇرامى جاساقتالعانشا، وزدەرىنىڭ مىندەتتەرىن ۋاقىتشا اتقارا تۇرادى.
ەسكە سالا كەتەيىك، پرەمەردىڭ وتستاۆكاسى جونىندە بالىكچي - تامچى - چولپون-اتا – كورۋمدۋ جولدارىن جوندەۋ ءۇشىن وتكىزىلگەن تەندەردە ورىن العان زاڭ بۇزۋشىلىقتان كەيىن ايتىلا باستادى.
كولىك جانە كوممۋنيكاتسيا ءمينيسترى ارگىنبەك مالاباەۆ دەپۋتاتتىق كوميسسيادا ءوزىنىڭ ورىنباسارى ۋلان ۋەزباەۆ پەن پرەمەر-ءمينيستردىڭ اينالاسىنداعى ادامدار تەندەردى قىتايلىق "لونگ حاي" فيرماسىنىڭ پايداسىنا شەشۋگە بارىن سالعانىن مالىمدەگەن. الايدا پرەمەر مەن ءمينيستردىڭ ورىنباسارى بۇل مالىمدەمەنى تەرىسكە شىعارىپ كەلدى.
اباي-اقپارات
