استانا مەن تەگەران 2 ملرد دوللاردىڭ كەلىسىمىن جاسادى
قازاقستان پرەزيدەنتى باسپاسوز قىزمەتىنىڭ مالىمەتىنە سايكەس، 11 ءساۋىر كۇنى تەگەراندا كەزدەسكەن يران مەن قازاقستان باسشىلارى كولىك-لوگيستيكا، ەكولوگيانى قورعاۋ، كاسپيدە كەمە قاتىناسى مەن ءتۋريزمدى دامىتۋ سالالارىن قامتيتىن جانە كاسپي تەڭىزىنىڭ قۇقىقتىق مارتەبەسىن انىقتايتىن قۇجاتتارعا قول قويعان.
يران پرەزيدەنتى حاسان روۋحاني مەن قازاقستان پرەزيدەنتى نۇرسۇلتان نازارباەۆ ەكسترەميزممەن جانە تەرروريزممەن كۇرەسۋ، يراك، اۋعانستان، سيريا اۋماعىنداعى تۇراقتىلىقتى قامتاماسىز ەتۋ جانە يەمەندەگى قاقتىعىستى توقتاتۋ قاجەتتىگى تۋرالى پىكىر الماسقان.
رەسمي ساپار كەزىندە مەتاللۋرگيا، تاۋ-كەن، اۋىل شارۋاشىلىعى، كولىك-لوگيستيكا، تۋريزم، عىلىم جانە ءبىلىم، مەديتسينا سالالارىندا جالپى قۇنى 2 ميلليارد دوللار بولاتىن 66 ەكىجاقتى كەلىسىم بەكىتىلگەنى حابارلاندى.
اباي-اقپارات
