الماتىداعى № 1 اۆتوبەكەتىنىڭ ونداعان اۆتوبۋس جۇرگىزۋشىسى جالاقىلارن كوتەرۋدى تالاپ ەتىپ، جۇمىسقا شىقپاعان. اۆتوبۋس كومپانياسىنىڭ ديسپەتچەرلىك قىزمەتى № 2, 34 جانە 73-ءشى باعىتتاعى اۆتوبۋستاردىڭ جولعا شىقپاعانىن حابارلادى.

جەرگىلىكتى اگەنتتىكتەردىڭ حابارلاۋىنشا، № 79-شى اۆتوبۋس باعىتىنىڭ جۇرگىشىلەرى دە جۇمىسقا شىقپاعان. Nur.kz سايتى اۆتوبەكەت جۇرگىزۋشىسىنىڭ ءبىرىنىڭ اۆتوبۋستاردا قولما-قول اقشاسىز تولەم جۇيەسىن ەنگىزگەلى بەرى، جۇرگىزۋشىلەردىڭ جالاقىسى بىرنەشە ەسەگە قىسقارعانى تۋرالى ءسوزىن جاريالادى.

«اۆتوبۋس بەكەتى مۋنيتسيپالدى بوپ تۇرعاندا مەن كەم دەگەندە 120 مىڭ تەڭگە ايلىق الىپ كەلدىم. الايدا ەكى ايدان بەرى قولىمىزعا تيىن عانا تۇسەدى، — دەيدى Tengrinews.kz. سايتىنا سۇحبات بەرگەن جۇرگىزۋشىلەردىڭ ءبىرى.

تاعى ءبىر جۇرگىزۋشىنىڭ سوزىنشە، وتكەن ايدا ول 26 مىڭ تەڭگە العان، جۇمىس بەرۋشى ءبارى جاقسى بولاتىنىن، جۇمىستى جالعاستىرسا 100 مىڭ تەڭگەدەن كوپ جالاقى الاتىندارىن ايتىپ ۋادە ەتكەن. "ال قازىر ماعان 57 مىڭ تەڭگە جالاقى بەرىپ وتىر. ولار ءبىزدىڭ ەڭبەگىمىزدى كوك تيىنعا دا باعالاماي وتىر»، — دەيدى ول.

Tengrinews.kz الماتى قالاسى جولاۋشىلار كولىگى باسقارماسىنىڭ جەتەكشىسى داۋرەن الىمبەكوۆتىڭ قازىر باسقارما وقيعانىڭ ءمان-جايىن انىقتاپ جاتقانى تۋرالى ايتقانىن حابارلادى.

قالالىق جولاۋشى كولىگى باسقارماسىنىڭ مالىمەتىنشە، الماتى مۋنيتسيپالدى اۆتوبۋس پاركىندە 13 باعىت بار. اقپان ايىندا ماپ Green Bus Company جەكە كومپانياسىنا باسقارۋعا بەرىلگەن.

Abai.kz