قانات ءالجاپپاروۆ پەن وزگە دە جۇلدىزدار جاقىن كۇندەردىڭ بىرىندە “جۇلدىزدار ايتىسادى” شوۋىندا ونەر كورسەتكەن-ءدى. اتالعان شوۋ-ايتىستى كورگەن تانىمال اقىن امانجول ءالتاي قانات ءالجاپپاروۆتان قازاقتىڭ كيەلى ونەرىن قورلاماۋدى سۇراپ، سىناعان بولاتىن. بۇل سىنعا قاتىستى پىكىرىن قانات ءالجاپاروۆ Baistars.kz تىلشىسىنە ايتىپ بەردى.

جاقىن كۇندەردىڭ بىرىندە بولعان “جۇلدىزدار ايتىسادى” شوۋىن سىناعاندار از ەمەس. سونىڭ ىشىندە، تاياقتىڭ ۇشى ازىلقوي قانات الجاپاروۆكە دە تيگەن بولاتىن.

ەستەرىڭىزدە بولسا، ەلىمىزگە تانىمال ايتىسكەر اقىن “قانات باۋىرىم، بويىڭدا ازاماتتىق نامىسىڭ بولسا، ۇلتتىق ونەرگە دەگەن قۇرمەتىڭ بولسا، ەندى ايتىس ساxناسىنا شىقپاۋىڭدى سۇرايمىن. ايتىس ونەرى ەرىككەننىڭ ەرمەگى ەمەس، ونەردى ولاي قورلاۋعا بولمايدى… قازاقتىڭ بالاسى بولساڭ ەندى قوي، اقىلىڭ جەتسە كەشىرىم سۇراساڭ دا ارتىق ەمەس. تورەعالي، ەركىن، روزا سەكىلدى اقىندىق تالانتى بار ونەر يەلەرىنىڭ ايتىسقا شىققانىن قولدايمىن، جىلى قابىلدايمىن. جانار، ۇلىقپان سەكىلدى ايتىستان اۋىلى الىس انشىلەرگە اقىلعا كەلىڭىزدەر دەمەكپىن. كيەلى ونەردىڭ كۇتىن قاشىرمايىق!”، – دەپ پىكىر بىلدىرگەن بولاتىن.

مۇنى ەستىگەن ازىلقوي اكتەر  “مەن بۇل ايتىستا وزىمە بەرىلگەن تاپسىرمانى ورىنداپ شىقتىم. جانە شوۋ ايتىستىڭ باسى-قاسىندا ءجۇرسىن ەرمان اعا ءوزى جۇرگەننەن كەيىن قاتىسقان بولاتىنمىن. امانجول اعا تاراپىنان ايتىلعان سىن-پىكىرلەردى دۇرىس قابىلدايمىن. مىندەتتى تۇردە ودان ناتيجە شىعارۋعا تىرىسامىن”، – دەپ قىسقا قايىردى.

ەستەرىڭىزگە سالا كەتسەك، ايتىسكەر امانجول ءالتايدىڭ قانات ءالجاپپاروۆ پەن تانىمال انشىلەردەن ونەردى قورلاماۋىن سۇراعانى تۋرالىحابارلاعان بولاتىنبىز.

Abai.kz