اشىق حات
قازاقستان رەسپۋبليكاسىنىڭ پرەزيدەنتى - ەلباسى
نۇرسۇلتان ءابىشۇلى نازارباەۆقا
اشىق حات
قۇرمەتتى نۇرسۇلتان ءابىشۇلى! ءسىزدىڭ تىكەلەي تاپسىرماڭىزبەن ماۋسىمنىڭ 17 مەن 18-ءى ارالىعىندا اتىراۋ وبلىسىنا رەسمي ساپارمەن كەلگەن ۇكىمەت باسشىسى كارىم ءماسىموۆ «شەتەلدىك ينۆەستورلاردىڭ قازاق ەلىندە ءوز بيزنەسىن جۇرگىزۋىنە بار جاعداي جاسالىپ وتىر. بىراق، ءبىز الدىمەن ءوز حالقىمىزدى قولدايمىز! ولاردىڭ كەمسىتۋشىلىككە ۇشىراۋىنا جول بەرمەيمىز!» دەگەن ەدى وبلىس اكىمى جانە شەتەلدىك ينۆەستورلارمەن كەزدەسۋ كەزىندە. ءبىز مۇنى ءسىزدىڭ «قازاقستاندىق مازمۇندى قاعاز جۇزىنەن ءىس جۇزىنە اۋدارۋ كەرەك» دەگەن تاپسىرماڭىزدىڭ كورىنىسى دەپ ۇقتىق. اتىراۋعا ساپارىندا ۇكىمەت باسشىسى وتاندىق كاسىپورىندار مەن وتاندىق جۇمىسشى-مامانداردىڭ قۇقىعىن قورعاۋ كەزەك كۇتتىرمەيتىن ماسەلە ەكەنىن ايتقان ەدى. وسى ورايدا سىزگە تومەندەگى جايتتى حابارلاپ، وڭ شەشىمىن تابۋعا كومەكتەسۋىڭىزدى ءوتىنىپ سۇرايمىز.
قازاقستان رەسپۋبليكاسىنىڭ پرەزيدەنتى - ەلباسى
نۇرسۇلتان ءابىشۇلى نازارباەۆقا
اشىق حات
قۇرمەتتى نۇرسۇلتان ءابىشۇلى! ءسىزدىڭ تىكەلەي تاپسىرماڭىزبەن ماۋسىمنىڭ 17 مەن 18-ءى ارالىعىندا اتىراۋ وبلىسىنا رەسمي ساپارمەن كەلگەن ۇكىمەت باسشىسى كارىم ءماسىموۆ «شەتەلدىك ينۆەستورلاردىڭ قازاق ەلىندە ءوز بيزنەسىن جۇرگىزۋىنە بار جاعداي جاسالىپ وتىر. بىراق، ءبىز الدىمەن ءوز حالقىمىزدى قولدايمىز! ولاردىڭ كەمسىتۋشىلىككە ۇشىراۋىنا جول بەرمەيمىز!» دەگەن ەدى وبلىس اكىمى جانە شەتەلدىك ينۆەستورلارمەن كەزدەسۋ كەزىندە. ءبىز مۇنى ءسىزدىڭ «قازاقستاندىق مازمۇندى قاعاز جۇزىنەن ءىس جۇزىنە اۋدارۋ كەرەك» دەگەن تاپسىرماڭىزدىڭ كورىنىسى دەپ ۇقتىق. اتىراۋعا ساپارىندا ۇكىمەت باسشىسى وتاندىق كاسىپورىندار مەن وتاندىق جۇمىسشى-مامانداردىڭ قۇقىعىن قورعاۋ كەزەك كۇتتىرمەيتىن ماسەلە ەكەنىن ايتقان ەدى. وسى ورايدا سىزگە تومەندەگى جايتتى حابارلاپ، وڭ شەشىمىن تابۋعا كومەكتەسۋىڭىزدى ءوتىنىپ سۇرايمىز.
مەن اليەۆ رۋستام سادىقۇلى ورال قالاسىنان كۇنكورىس جايىمەن اتىراۋ قالاسىنا كەلىپ، كەزىندە «قازمۇنايسەرۆيس Nconstructing» كومپانياسىندا ەلەكترومونتاجداۋشىلار بريگاديرى بولىپ قىزمەتكە تۇرعان جۇمىسشىمىن. كومپانيادا 7 اي جۇمىس ىستەدىم. بريگادامداعى وتىز ادام «ادجيپ» جوباسى بويىنشا جۇمىس ىستەدى. ەڭبەك زاڭدىلىعىنا بايلانىستى، تەمپەراتۋرا - 40 گرادۋستان جوعارىلاعان جاعدايدا، بارلىق مەكەمە جۇمىستى اۆتوماتتى تۇردە توقتاتۋى ءتيىس ەدى. بىراق، «قازمۇنايسەرۆيس» باسشىلىعى تەرمومەتردى الىپ تاستاپ، قاقاعان سۋىققا قاراماستان، مەنىڭ بريگادامنان كابەل تارتىپ، جۇمىس ىستەۋدى تالاپ ەتتى. جۇمىسشىلار كەلىسپەگەن جاعدايدا جالاقى كەسىلەتىندىگىن، ءتىپتى بولماسا جۇمىستان قۋعا دەيىن باراتىندارىن ايتىپ، جۇمىسشىلاردى ماجبۇرلەپ جۇمىس ىستەتتى. سول سەبەپتەن، بريگادا قىتىمىر ايازدا جۇمىس ىستەۋگە ءماجبۇر بولدى. ناتيجەسىندە جۇمىسشى جىگىتتەردىڭ اراسىندا وكپەسىنە سۋىق تيگىزىپ، وندىرىستىك جاراقاتتار الىپ ەلىنە قايتىپ كەتكەندەرى دە بولدى. ونىڭ ۇستىنە، بريگادامداعى وتىز ادام ايىنا بەرىلەتىن 40 مىڭ تەڭگە جالاقى ءۇشىن تەر توگىپ ەڭبەك ەتتى. جالپى ايتقاندا، قازاقستان رەسپۋبليكاسىنىڭ «ەڭبەك تۋرالى» كودەكسىندەگى جۇمىسشى قۇقىعى بۇزىلدى. مۇنداي ادىلەتسىزدىكتەرگە شىداي الماعاندىقتان، بريگادير رەتىندە باسشىلىققا ولاردىڭ ەڭبەكاقىسىن كوتەرۋ، - 40 گرادۋس سۋىقتان جوعارى تەمپەراتۋرادا جۇمىسقا شىعارۋعا ماجبۇرلەمەۋلەرىن تالاپ ەتىپ، جۇمىسشىلارىمنىڭ قۇقىعىن قورعاۋعا ءماجبۇر بولدىم. باسشىلىق جاڭا جىلدان سوڭ جالاقى كوتەرىلەتىنىن ايتىپ، ۋادە بەردى. بىراق، ۋادە ورىندالمادى. وسىلايشا، ءساۋىردىڭ اياعىندا مەن رۋستام اليەۆ قىسقارتۋعا ۇشىرادىم. باۋىرىم انۋار اليەۆتى ەڭبەك زاڭدىلىعىنىڭ بابىنا سايكەس جۇمىستان شىعاردى. بۇدان سوڭ ۇستىمىزدەگى جىلدىڭ ءساۋىر - مامىر ايلارى ارالىعىندا بريگادامداعى 30 جۇمىسشى جىگىت ءوز تىلەگىمەن جۇمىستان بوساندى. كەيىن، ۇستىمىزدەگى جىلدىڭ 4-5 مامىر ارالىعىندا تەستتەن ءوتىپ، جاڭا جۇمىسقا ورنالاسۋعا مۇمكىندىك الدىق. بۇگىندە بريگادامداعى جيىرما جەتى جۇمىسشى قاراباتانعا جۇمىسقا كىرىسىپ تە كەتتى. الايدا، بەلگىسىز سەبەپتەرمەن ادجيپ كومپانياسى ماعان ياعني رۋستام اليەۆ جانە باۋىرىم (كەزىندە «قازمۇنايسەرۆيستە» بريگادير بولىپ قىزمەت ەتكەن) انۋار اليەۆكە قاراباتان تەرريتورياسىنا جۇمىسقا ورنالاسۋعا پروپۋسك، ياعني رۇقسات قاعازىن راسىمدەۋدەن باس تارتتى. رۇقسات قاعازى - جۇمىسقا تۇرۋدىڭ پاسپورتى ىسپەتتەس. ونسىز جۇمىسقا ارالاسۋ تىپتەن مۇمكىن ەمەس. ءوز باسىم ءادجيپتىڭ رۇقسات قاعازىن راسىمدەۋدەن باس تارتۋىنا «قازمۇنايسەرۆيس Nconstructing» كومپانياسىنىڭ ءبىزدى، ياعني اعايىندى اليەۆتەردى شاتاققۇمار جۇمىسشى رەتىندە سيپاتتاپ بەرۋلەرى سەبەپ بولۋى مۇمكىن دەپ ەسەپتەيمىن. بىراق، شىن مانىسىندە بريگادا جەتەكشىلەرى رەتىندە ءبىز قازاقستاندىق قاراپايىم جۇمىسشىلاردىڭ قۇقىعىن، مۇددەسىن قورعادىق. ال، «ادجيپ» ءوز كەزەگىندە ءبىزدىڭ كونستيتۋتسيالىق قۇقىعىمىزدى بەلشەدەن باسىپ، وتباسىمىزدى اسىراۋ مۇمكىندىگىنەن ايىرىپ وتىر. وسىلايشا، مامىر ايىنان بەرى رۇقسات قاعازىنىڭ راسىمدەلمەۋىنە بايلانىستى، كۇنى بۇگىنگە دەيىن تاپقان جۇمىسقا كىرىسە الماي وتىرعان جايىمىز بار. بۇل جونىندە كەزىندە اتىراۋ وبلىستىق پروكۋرورى ب.سماتلاەۆقا رەسمي تۇردە شاعىمداندىق تا. الايدا، ءالى كۇنگە نە ناتيجە، نە وزگەرىس جوق.
سوندىقتان دا، قۇرمەتتى نۇرسۇلتان ءابىشۇلى! قاراپايىم جۇمىسشىلاردىڭ قۇقىعىن، مۇددەسىن قورعاپ، كوميسسيا جىبەرۋ نە باسقالاي جولمەن وسى ماسەلەنىڭ وڭىنان شەشىلۋىنە ىقپال ەتۋىڭىزدى ءوتىنىپ سۇرايمىز.
قۇرمەتپەن: «قازمۇنايسەرۆيس Nconstructing» كومپانياسىنىڭ
بۇرىنعى جۇمىسشىسى رۋستام اليەۆ.
حاتتا جاريالانعان فاكتىلەردىڭ دۇرىستىعىنا كۋالىك ەتىپ جانە پرەزيدەنت - ەلباسى نۇرسۇلتان نازارباەۆ مىرزادان ماسەلەنىڭ وڭىنان شەشىلۋىن ءوتىنىپ، بريگاداداعى جيىرما سەگىز ادام قول قويىپ وتىر. (ەكى جۇمىسشى ءوز ەرىكتەرىمەن جۇمىستان مۇلدەم شىعىپ كەتتى). تومەندە بريگاداداعى جيىرما سەگىز ادامنىڭ ءتىزىمى قوسا بەرىلىپ وتىر.
- جۇماعاليەۆ ميراس
- مەنگيمەۆ مىرزابەك
- قازيەۆ دارحان
- ايداربەكوۆ اقىلبەك
- جولداس اقىلبەك
- رىسقاليەۆ سەرىك
- تيموفەەۆ سەرگەي
- باكيەۆ ارمان
- ايتقاليەۆ سابىر
- ابديلديەۆ ماناربەك
- تولەۋوۆ الىبەك
- تولەۋوۆ ەرلان
- كاماشەۆ نۇربول
- جەلەزنوۆ ۆيتالي
- كۋساينوۆ ميرحات
- مۋستافين ەرلان
- رزيەۆ ايبول
- راحىمگاليەۆ جاسۋلان
- كەنجەگاليەۆ الىبەك
- يمانگازيەۆ راۆيل
- الاتاەۆ داستان
- سابيتوۆ جاسلان
- قازبەكوۆ بەيبىت
- اليەۆ سۋلتان
- تورەەۆ باقىت
- نۋراەۆ الدابەرگەن
- كۋسپانوۆ دارىن
- اليەۆ انۋار
