يقان اۋلىنا بارىپ، وتكەن جىلى 10 مامىر كۇنى اياق استىنان ء"تىرىلىپ" كەتكەن ستالين ەسكەرتكىشىنىڭ جايىن سۇراستىردىق.

ماقساتىمىز، ساۋدالاسىپ ستالين ءمۇسىنىن ساتىپ الۋ ەدى.

ويىمىز ورىندالسا، 31-مامىر كۇنى وبلىس ورتالىعى شىمكەنت قالاسىنداعى زۇلمات قۇرباندارىن ەستە قالدىرۋ ءۇشىن ورناتىلعان "قاسىرەت" مەموريالىندا وتەتىن قارالى ميتينگتە قازاققا ادام توزگىسىز قاسىرەت اكەلگەن تيران ستالين ءمۇسىنىن ەل الدىندا بالعامەن قيراتۋ بولاتىن.

پوستامەنتتىڭ قيراندىلارى جاتىر. بىراق ەسكەرتكىشتىڭ ىزىن دە، كوردىم-ءبىلدىم دەگەن جان دا تابا المادىق.
سوعان قاراعاندا ءمۇسىن ءبىر جەردە تىعۋلى جاتىر.

وڭتايلى ءسات كەلگەندە جارىققا شىعارى انىق.

ءومىر شىنىبەكۇلى

Facebook-تەگى پاراقشاسىنان