از عانا ۋاقىت ىشىندە ۇلكەن تانىمالدىلىققا يە بولعان Ninety One توبىن تالقىلاماعان ورتا ەلىمىزدە قالماعان بولار. بىرەۋلەر ولاردى گەي دەپ ايىپتاپ جاتسا، ەكىنشىلەرى زاماناۋي ونەردى دامىتۋشى جاڭا تولقىن دەپ باعالادى. بۇل تۋرالى «sn.kz» پورتالى جازادى.

ال، سوڭعى بىرنەشە كۇننەن بەرى ۆكونتاكتە الەۋمەتتىك جەلىسىندەگى Namys TV دەپ اتالاتىن ءدىني توپ Ninety One انشىلەرىنىڭ ساتانيزم سەكتاسىنا قاتىسى بارىن ايتىپ، دالەلدەۋمەن الەك.

ەندەشە، ء"دىندارلار" نە دەيدى، سوعان نازار سالىپ كورسەك. سوزدەرىنە دالەل رەتىندە ولار "ايىپتاما" بەينەكليپىن الىپتى. كليپتەگى دەكوراتسيا تۇسىنىكسىز بەلگىلەرگە تولى. ءبىر كورگەن ادام وعان راسىمەن دە ءمان بەرمەۋى مۇمكىن. الايدا، انىقتاپ قاراعاندا الگى بەلگىلەردىڭ اراسىنان ءساتانيزمنىڭ، ماسونداردىڭ سيمۆولدارىن اڭعارۋعا بولادى. ماسەلەن...

"بارلىعىن كورۋشى" (ۆسەۆيدياششەە وكو) - الەمنىڭ ۇلى ارحيتەكتورىن بەينەلەيتىن ماسوندىق سيمۆول. بۇل بەلگىنى "ايىپتاما" بەينەكليپىندەگى دەكوراتسيانىڭ بىرنەشە جەرىنەن اڭعارۋعا بولادى.

سونىمەن قاتار، انشىلەردىڭ ءبىرى ءوز قولىنا ەكىگە بولىنگەن پيراميدانى بەينەلەگەن. بۇل دا سول ماسوندىق سيمۆولعا قاتتى ۇقساس.

ال، توپتىڭ تاعى ءبىر ءانشىسى سىرت كيىمىنىڭ ارقا تۇسىنا قىزىل بوياۋمەن سالىنعان بەسجۇلىزدى بەينەلەگەن. بالكىم سايكەستىك بولار، بىراق بۇل ساتانيزم سەكتاسىنىڭ سيمۆولىنا قاتتى ۇقسايدى.

ەستەرىڭىزگە سالايىق، جۋىردا وتاندىق توك-شوۋلاردىڭ بىرىنە شىعىپ، شاكىرتتەرىن قورعاعان توپ جەتەكشىسى ەربولات بەدەلحان وزدەرى تاڭداعان ءستيلدىڭ Q-pop دەپ اتالاتىنىن مالىمدەدى. ايتۋىنشا، Ninety One انشىلەرىنىڭ گوموسەكسۋالدارعا ەش قاتىسى جوق، ولار تەك وڭتۇستىككورەيلىك ءان توپتارىنا ەلىكتەيتىن كورىنەدى.

Abai.kz