جۇما, 29 ناۋرىز 2024
بىلگەنگە مارجان 6851 0 پىكىر 24 ناۋرىز, 2016 ساعات 10:33

ەيفەل مۇناراسى بەلگيا تۋىنىڭ تۇسىنە بويالدى. بايتەرەك شە؟

فرانتسياداعى ايگىلى ەيفەل مۇناراسى بەلگيا تۋىنىڭ تۇسىنە بويالدى، - دەپ حابارلايدى tengrinews.kz سايتى. 

بەلگيا تۋىنىڭ ءتۇسى - قارا، سارى جانە قىزىل. بريۋسسەلدە بولعان تەراكتىلەرگە بايلانىستى پاريجدەگى ەيفەل مۇناراسىمەن بىرگە، بەرليندەگى براندەنبۋرگ قاقپاسى دا بەلگيا تۋىنىڭ تۇسىندەي يلليۋميناتسيا پايدا بولدى. 

ءدال وسى تۇستەر باە-دەگى بيىكتىگى 828 مەتر بولاتىن "بۋردج-حاليفا" زەڭگىر ءۇيى دە جانە امستەردامداعى كورولدىك ساراي دا بويالدى. نيۋ-يوركتەگى دۇنيەجۇزى ساۋدا ورتالىعى كەشەنىنىڭ باس عيماراتى دا بويالادى ەكەن. مۇنداي بۇيرىقتى نيۋ-يورك شتاتىنىڭ گۋبەرناتورى ەندريۋ كۋومو بەرگەن.  

ريا نوۆوستي اگەنتتىگىنىڭ حابارلاۋىنشا، مەكسيكا استاناسىنىڭ بيلىگى دە قالاداعى بىرقاتار عيماراتتى بەلگيا بايراعىنىڭ تۇسىنە بوياپ، وعان دەگەن قولداۋىن ءبىلدىرۋدى جوسپارلاپ وتىر ەكەن.  

بۇگىن بريۋسسەلدە تەراكتىلەردەن قازا تاپقانداردى ءۇش كۇندىك ەسكە الۋ قارالى كۇنى باستالدى. گەرمانيانىڭ مەملەكەتتىك تۋى كورشىلەس بەلگياعا قولداۋ رەتىندە تۇسىرىلەدى، فرانتسيادا تۋعا قارا جولاقتار ىلىنەدى، مادريد بيلىگى دە ءۇش كۇندىك قارالى كۇن جاريالادى.

ەسكە سالايىق، 22 ناۋرىزدا تاڭعى ۋاقىتتا بريۋسسەل اۋەجايىندا ەكى جارىلىس بولدى. بەلگيا بيلىگى جارىلعىش زاتتاردىڭ ءبىرىن ءولىمشى لاڭكەس ىسكە قوسقان بولۋى مۇمكىن دەپ ەسەپتەيدى. ءۇشىنشى جارىلىس مالبەك مەترو ستانتسياسىنداعى ۆاگوندا بولدى. سالدارىنان كەم دەگەندە 34 ادام قازا تاپتى، 200-گە جۋىق ادام زارداپ شەكتى. بريۋسسەلدەگى تەراكتىگە قازاقستاندا تىيىم سالىنعان دايش لاڭكەس ۇيىمى جاۋاپكەرشىلىك الدى.

ەستەرىڭىزدە بولسا، وتكەن جىلى اتالمىش لاڭكەستىك ۇيىم پاريجدە بىرنەشە تەرراكتى جاساعاندا الەم مەملەكەتتەرى ءوز قولداۋلارىن ءبىلدىرۋ ءۇشىن ەلدەگى باس عيماراتتارىن فرانتسيا بايراعىنىڭ تۇسىنە بوياعان ەدى. ول كەزدە استاناداعى «بايتەرەك» تە فرانتسۋز تۋسىنە بويالعان-تىن.

Abai.kz 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3622