جۇما, 29 ناۋرىز 2024
دەپ جاتىر 3919 0 پىكىر 21 ناۋرىز, 2016 ساعات 18:20

تانىمال پروديۋسەر ءوز ورنىنا وزگە بىرەۋدىڭ داۋىس بەرىپ جىبەرگەنىن ايتتى

تانىمال تەلەپروديۋسەر، "كەشYOU" مەن "الاۋ" توپتارىنىڭ ديرەكتورى نازىم باسقىنباەۆا كەشەگى وتكەن سايلاۋدا ءوز ورنىنا وزگە بىرەۋلەردىڭ داۋىس بەرىپ جىبەرگەنىن ايتتى. بۇل تۋرالى ول Instagram جەلىسىندەگى پاراقشاسىندا مالىمدەگەن،-دەپ حابارلايدى sn.kz پورتالى.

پروديۋسەر سايلاۋ ۋچاسكەسىنە كەشىگىپ كەلىپتى. داۋىس بەرۋشىلەردىڭ جۋرنالىنا تىركەلمەك بولعانىندا وزگە بىرەۋدىڭ "نازىم باسقىنباەۆا" دەپ تىركەلىپ، بيۋللەتەن العاندىعىن راستاۋ ءۇشىن قول دا قويعاندىعىن اڭعارعان. ال، وسىناۋ جۋرنال مەن بيۋللەتەندەرگە جاۋاپتى كوميسسيا مۇشەسى نازىمنىڭ ورنىنا كىمنىڭ داۋىس بەرگەندىگىن ايتا المادى.

"تاڭەرتەڭ استانادان كەشىگىپ كەلدىم. الماتىدا بولماعان 6 كۇن ىشىندە كەڭسەدە دە، ۇيدە دە جۇمىس جينالىپ قالىپتى. سالدارىنان سايلاۋ ۋچاسكەسىنە كەشىگىپ، ساعات 19:05-تە باردىم. سويتسەم، مەنىڭ ورنىما وزگە بىرەۋ داۋىس بەرىپ قويىپتى. مەن كەشىككەنىم ءۇشىن ۋايىمداپ، ازاماتتىق بورىشىمدى وتەيىن دەپ اسىعىپ بارسام، مەن ءۇشىن وزدەرى بارلىعىن جاساپ قويعان. بىرەۋدىڭ قاتەلىگى شىعار دەپ اسا ءمان بەرمەي، تۇزەتەيىن دەپ ويلادىم. سول كەزدە ۋچاسكەدە وتىرعان ايەل ء"تۇرلى جۋرناليستەر كەلىپ، سايلاۋ بىتكەندە سەنساتسيا ىزدەيدى" دەپ دورەكىلىك تانىتتى. مەن دە قاراپ قالعانىم جوق، ۋچاسكە باسشىسىن تاۋىپ الىپ، مەنىڭ جانە مەنىڭ انامنىڭ ورنىنا كىمنىڭ جانە نە ءۇشىن داۋىس بەرگەنىن ءتۇسىندىرىپ بەرۋىن تالاپ ەتتىم. سول كەزدە شوشىنعان قىزمەتكەر جانىما كەلىپ، ءوزىنىڭ اڭعالدىعى ءۇشىن كەشىرىم سۇرادى" دەيدى نازىم باسقىنباەۆا.

ايتا كەتەيىك، كەشە سايلاۋ كەزىندە ءبىر ادامنىڭ بىرنەشە رەت داۋىس بەرگەنىن، جاشىككە بىرنەشە بيۋللەتەندى بىرىنەن سوڭ ءبىرىن سالىپ جاتقانىن حابارلاعان بولاتىنبىز. قر باس پروكۋراتۋراسى بۇل مالىمەتتەردى مىندەتتى تۇردە تەكسەرەتىنىن حابارلادى.

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1584
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2284
عيبىرات

قايسار رۋحتى عازيز جان

مۇحتار قۇل-مۇحاممەد 3624