جۇما, 29 ناۋرىز 2024
دەپ جاتىر 3287 0 پىكىر 17 ناۋرىز, 2016 ساعات 15:34

قازاقستان لەوناردو دي كاپريونى EXPO-2017 كورمەسىنە شاقىرۋعا نيەتتى

قازاقستاندا اكتەر لەوناردو دي كاپريونى EXPO-2017 حالىقارالىق كورمەسىنە شاقىرۋ جونىندەگى كەلىسسوزدەر جۇرگىزۋ باستالادى. بۇل تۋرالى Tengrinews.kz تىلشىسىنە "جاسىل ەكونوميكا" ءۇشىن جانە G-Global-دى دامىتۋ كواليتسياسىنىڭ" جەتەكشىسى سالتانات راحىمبەكوۆا ايتىپ بەردى.

وسىعان دەيىن ول «استانا EXPO-2017» ۇق باسقارۋشى ديرەكتورى قىزمەتىن اتقارعان.

«لەوناردو دي كاپريو عالامشارىمىزدىڭ ەكولوگيالىق جاعدايىن جاقسارتۋ بويىنشا ەرەن ەڭبەك ەتىپ جاتىر. ارينە، ءبىز ولارعا شاقىرتۋ جىبەرەمىز (بۇۇ ەلشىلەرىنە — اۆت.), دي كاپريونى شاقىرامىز، ول كليمات پروبلەمالارى جونىندەگى ەلشى عوي، ول ءبىزدىڭ شاراعا كەلۋگە مىندەتتى»، — دەگەن ەدى ول.

«بۇل قوعامدىق ۇيىم، ول قابىلداي ما، كەلىسىم بەرە مە — بۇل بولەك ماسەلە. بىراق ءبىز بۇل ىسپەن اينالىسامىز، ونىڭ سونداي تانىمال اكتەر بولعانى ءۇشىن ەمەس، وسى ماسەلەدە كاسىبي تۇردە اينالىسىپ جۇرگەن ەلشىلەردىڭ ءبىرى ءارى ول كەلە الادى. 22 ساۋىردە نيۋ-يوركتە كليمات بويىنشا پاريج تاريحي كەلىسىمىنە قول قويۋ ءراسىمى وتەدى. مۇندا كليماتتى وزگەرتۋ بويىنشا جاڭا مىندەتتەمەلەرگە قول قويىلادى. شاراعا كليماتتىڭ وزگەرۋىنە بەي-جاي قاراي المايتىن قوعام قايراتكەرلەرى، تانىمال ادامدار قاتىسادى. سودان كەيىن دي كاپريومەن كەلىسسوزدەر جۇرگىزۋ باستالادى»، — دەدى راحىمبەكوۆا.

سونىمەن قاتار، ولار بيزنەسمەن ءارى نيۋ-يوركتىڭ 108-ءشى مەرى مايكل بلۋمبەرگتى دە شاقىرۋدى كوزدەپ وتىر. ء«بىزدىڭ كورمە ءۇشىن ول قاجەتتى ادام»، — دەدى ول.

ايتا كەتەيىك، 29 اقپاندا لەوناردو دي كاپريو «وسكار» جۇلدەسىن العان بولاتىن. سىيلىقتى الىپ تۇرىپ سويلەگەن سوزىندە ول كليماتتىڭ وزگەرۋى ماسەلەسىن ايتقان ەدى.

Abai.kz

 

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2264
عيبىرات

قايسار رۋحتى عازيز جان

مۇحتار قۇل-مۇحاممەد 3554