الماتىدا تانىمال اكتەر، ءانشى تاۋەكەل ءمۇسىلىمنىڭ تويى ءوتتى. وتاندىق تەلەحيكايالارعا ءتۇسىپ، مىڭداعان قىزدىڭ جۇرەگىن جاۋلاعان ازامات ورالدىق بويجەتكەندى وزىنە جار ەتىپ تاڭداعان ەكەن. ءسۇر بويداق بولۋمەن قوش ايتىسقان تاۋەكەل ءمۇسىلىمنىڭ ءدۇبىرلى تويى تۋرالى «31 ارنا» تىلشىلەرى حابارلايدى.

"كەلىندەر بايگەسى" اتتى جاڭا رەاليتي-شوۋدىڭ تۇساۋكەسەرى. توي فورماتىندا وتكەن كەزدەسۋدىڭ نەگىزگى ماقساتى بىرەۋ، كوپشىلىكتى جاڭا جوبانىڭ مازمۇنىمەن جاقىن تانىستىرۋ.

باعدات قوجاحمەتوۆ، «31 ارنا»  باس ديرەكتورى:

- وتباسىمەن بىرگە كورۋ ءۇشىن جاستاردىڭ باستارىن قوسۋ كەرەك دەگەن ويعا كەلدىك. قازاقستاندىقتارعا كەلەتىن سالت-داستۇرلەردى كوپشىلىككە جەتكىزۋ.  

جوبا بارىسىندا 4 قالىڭدىق ءبىر-ءبىرىنىڭ تويىنا قاتىسىپ، مەيرامحانانىڭ بەزەندىرىلۋى، داستارحاننىڭ ءدامى، توي كەشىنىڭ ەرەكشەلىگى مەن توي كويلەكتىڭ اسەمدىگىنە باعا بەرەتىن بولادى. ءوز قارسىلاستارىنان ەڭ كوپ ۇپاي جيناعان قالىڭدىق جەڭىمپاز اتانىپ، شەتەلگە ەكى ادامدىق جولداما الادى.

اسەل تويانوۆا، اتقارۋشى پروديۋسەرى:

- ءبىر اپتانىڭ ىشىندە ءبىز مىڭعا جۋىق انكەتا الدىق. ءبىزدىڭ تويىمىزدى كەلىپ تۇسىرسەڭىزدەر ەكەن، ءبىز بۇل باعدارلاماعا قاتىسساق ەكەن دەگەن. ەڭ كوپ قاتىسقىسى كەلگەندەر شىمكەنت، تاراز قالالارىنان بولدى. سوندىقتان ءبىزدىڭ باعدارلاما تاراز قالاسىنداعى تويلاردان باستالادى، ارى قاراي الماتى، الماتىنىڭ توڭىرەگى جانە شىمكەنت قالاسىنداعى تويلاردى تۇسىردىك.  

ال جاڭا جوبانىڭ تۇساۋكەسەرىنە كەلىپ، جاس جۇبايلاردىڭ ىرىم-جورالعىسىن كورسەتۋگە قاتىسقان تاۋەكەل ءمۇسىلىم جاقىن ۋاقىتتا ۇيلەنبەيتىنىن ايتادى. الايدا "كەلىندەر بايگەسىندە" ايتىلاتىن ەسكەرتۋلەردى مۇقيات تىڭداپ، ەستە ساقتاپ، بولاشاقتا تويىندا قولداناتىنىن جەتكىزدى. 

تاۋەكەل ءمۇسىلىم ، اكتەر:

- قازىر ءوزىمنىڭ قالىڭدىعىم دا جوق ۇيلەنەتىندەي. ءوزىمنىڭ ارمانىمداعى قىزىم ول، ارينە، ۇلتى قازاق بولادى. قالعانىنىڭ بارلىعىن داستۇرگە ساي قىلىپ كەلتىرەمىز دەپ ويلايمىن. 

 Abai.kz