«حالىق ءسوزىن» ايتاتىن كەز كەلدى!
قازاق قازاق بولعالى بەرى حالىق ءسوزىن سويلەپ، ەل جۇرەگىنەن ورىن تابۋدى ماقسات تۇتقان قازاق ءباسپاسوزى تاعى ءبىر جاڭا باسىلىممەن تولىقتى. ەلوردادا «حالىق ءسوزى» اتتى رەسپۋبليكالىق قوعامدىق-ساياسي گازەت جارىق كوردى.
«حالىق ءسوزى» اقپارات ايدىنىندا بۇقارا حالىقتىڭ كوكەيتەستى وي-ارمانىن اشىق ايتا الاتىن وتكىر سوزگە، ورەلى پىكىرگە جول اشاتىن باسىلىم رەتىندە حالىقتىق ماسەلەلەردى مامىلەگەرلىكپەن تالقىلايتىن مىنبەرگە اينالۋدى كوزدەپ وتىر.
جاڭا باسىلىم ارقىلى بيلىك پەن حالىق اراسىن بارىنشا جاقىنداتىپ، ەلدەگى بارشا يگىلىكتىڭ يەسى دە كيەسى دە حالىقتىڭ ءوزى ەكەنىن اشىپ كورسەتۋگە، ەركىن تىلدەسۋگە مۇمكىندىك تۋعالى تۇر. سونداي-اق، حالىقتىڭ وزىنە ءتان باسىلىمى رەتىندە الەۋمەتتىڭ مۇڭ-مۇقتاجىنا قۇلاق سالىپ، السىزگە بولىسۋ، ادىلەتكە قول جەتكىزۋ «حالىق ءسوزىنىڭ» باستى باعدارىنا اينالماق. سول ارقىلى ۇلتتىڭ ەكونوميكالىق، مادەني، الەۋمەتتىك، رۋحاني پروبلەمالارى مەن وزگە دە وزەكتى تاقىرىپتار توڭىرەگىندە اشىق پىكىر الماسۋ الاڭىن قالىپتاستىرىپ، ءتۇرلى تۇيتكىلدەردىڭ ءتۇيىنىن تارقاتۋعا جول سالۋدى كوزدەيدى.
قازاق قازاق بولعالى بەرى حالىق ءسوزىن سويلەپ، ەل جۇرەگىنەن ورىن تابۋدى ماقسات تۇتقان قازاق ءباسپاسوزى تاعى ءبىر جاڭا باسىلىممەن تولىقتى. ەلوردادا «حالىق ءسوزى» اتتى رەسپۋبليكالىق قوعامدىق-ساياسي گازەت جارىق كوردى.
«حالىق ءسوزى» اقپارات ايدىنىندا بۇقارا حالىقتىڭ كوكەيتەستى وي-ارمانىن اشىق ايتا الاتىن وتكىر سوزگە، ورەلى پىكىرگە جول اشاتىن باسىلىم رەتىندە حالىقتىق ماسەلەلەردى مامىلەگەرلىكپەن تالقىلايتىن مىنبەرگە اينالۋدى كوزدەپ وتىر.
جاڭا باسىلىم ارقىلى بيلىك پەن حالىق اراسىن بارىنشا جاقىنداتىپ، ەلدەگى بارشا يگىلىكتىڭ يەسى دە كيەسى دە حالىقتىڭ ءوزى ەكەنىن اشىپ كورسەتۋگە، ەركىن تىلدەسۋگە مۇمكىندىك تۋعالى تۇر. سونداي-اق، حالىقتىڭ وزىنە ءتان باسىلىمى رەتىندە الەۋمەتتىڭ مۇڭ-مۇقتاجىنا قۇلاق سالىپ، السىزگە بولىسۋ، ادىلەتكە قول جەتكىزۋ «حالىق ءسوزىنىڭ» باستى باعدارىنا اينالماق. سول ارقىلى ۇلتتىڭ ەكونوميكالىق، مادەني، الەۋمەتتىك، رۋحاني پروبلەمالارى مەن وزگە دە وزەكتى تاقىرىپتار توڭىرەگىندە اشىق پىكىر الماسۋ الاڭىن قالىپتاستىرىپ، ءتۇرلى تۇيتكىلدەردىڭ ءتۇيىنىن تارقاتۋعا جول سالۋدى كوزدەيدى.
«حالىق ءسوزى» گازەتى تۇساۋكەسەر سانىندا: «تاپ قازىر حالىقتى نە الاڭداتادى، ۇلتتىڭ، ءتىلدىڭ، مادەنيەتتىڭ حال-احۋالى ما، الدە، تۇرمىس-تىرشىلىكتىڭ قامى ما؟ - دەگەن ساۋالناما جۇرگىزدى. وعان جۇزدەگەن ادام قاتىسىپ، وي ءبىلدىردى. اراسىندا ەلگە بەلگىلى ازاماتتار دا بار. ولاردىڭ وي-پىكىرى گازەت بەتىندە تۇراقتى بەرىلىپ تۇرماق. العاشقى ساندا «حالىق ءسوزى» سونىمەن بىرگە، «اباي جولىنان اداسپايىق» اتتى ماقالا جاريالاپ، «ابايداي ۇلى تۇلعانىڭ اياۋلى ەسىمىن كور-جەرگە تەلي بەرۋگە بولمايتىنى تۋرالى ماسەلە كوتەرىپ وتىر. سول سياقتى «ونەر توڭكەرىس كەزىندە دە - ونەر» اتتى ماقالا دا وقىرماندى ويعا جەتەلەيدى. وندا قىرعىز جەرىندەگى الماعايىپ احۋال كەزىندە دە ايىر قالپاقتى اعايىننىڭ ونەرى ورىستەپ، جاقىندا الماتىدا وتكەن ورتاازيالىق تەاتر فەستيۆالىندە قىرعىز تەاترىنىڭ قازاق ونەرپازدارىنىڭ الدىن وراپ كەتكەنىن مىسالعا كەلتىرە وتىرىپ، «ەگەر ماسەلەنىڭ بارلىعى اقشاعا كەلىپ تىرەلەتىن بولسا، جاعدايى مۇشكىل دەگەن قىرعىز تەاترى نەگە وزىق؟ نەگە ءبىز قازاقتان دراماتۋرگ تاپپاي قىسىلعاندا سول باياعى قىرعىزدارعا جۇگىنەمىز؟» - دەگەن ساۋال تاستايدى. تاقىرىپتىڭ تۇزدىعى رەتىندە قىرعىزستاننىڭ حالىق ءارتىسى، اكادەميك مۇراتبەك بەگاليەۆپەن بولعان «قىرعىزدار اتاتۇرىكتى ىزدەۋدە» اتتى سۇحبات جاريالانىپ وتىر.
گازەتتىڭ العاشقى ساندارىنان باستاپ-اق ەل ومىرىندەگى ەلەۋلى وقيعالار مەن الىس-جاقىن شەت مەملەكەتتەردەگى ماسەلەلەرگە تالداۋ جاسالدى. «حالىق ءسوزى» «قازاقتىڭ دۋاداعى ارابتارعا نە ءۇشىن قاجەت؟» دەگەن ساۋال تاستاپ، وعان قيانداعى بىرىككەن اراب امىرلىگىندە قونىستانعان دۋاداقتى قورعاۋ حالىقارالىق ۇيىمىنىڭ جەتەكشىسى مۇحاممەد ءساليح ءال-بايدانيدىڭ جاۋابىن جاريالاپ وتىر. ءال-بايدانيمەن گازەت ءتىلشىسىنىڭ ابۋ-دابي قۇمىنداعى سۇحباتى وقىرمان قاۋىمدى بەي-جاي قالدىرا قويمايدى.
سونىمەن، استانا تورىنەن اقپارات ايدىنىنا قوسىلعان جاڭا باسىلىم -«حالىق ءسوزى» حالىقتىڭ جاتا-جاستانا وتىرىپ وقيتىن باسىلىمىنا اينالۋدى كوزدەيدى. ەندەشە «حالىق ءسوزى» حالىقتان حات كۇتەدى! ەلەكتروندىق پوشتا: halyk-sozi@mail.ru
