استانانىڭ يندۋستريالاندىرۋ ايماعىن ارالاۋ بارىسىندا مەملەكەت باسشىسى نۇرسۇلتان نازارباەۆ «تۇلپار-تالگو» زاۋىتىنىڭ كەڭ كۋزوۆتى جاڭا موديفيكاتسيالى جولاۋشىلار ۆاگونىن كورىپ، زاۋىت قىزمەتكەرلەرىمەن اڭگىمەلەستى. 

ء«دال قازىر تانىسىپ شىققان  «تۇلپار-تالگو» زاۋىتى. وزدەرىڭىز بىلەسىزدەر، ءبىزدىڭ قازاقستاندا پويىزدار ساعاتىنا قىرىق، ۇزاسا الپىس شاقىرىم جىلدامدىقپەن جۇرەتىن. ال «تۇلپار-تالگونىڭ» جاڭا پويىزى ساعاتىنا ءجۇز الپىس شاقىرىم جىلدامدىقپەن جۇرەدى. ۆاگونداردىڭ ءىشى كەڭ، جولاۋشىلارعا بارلىق جاعداي جاسالعان. وسىلايشا، جولاۋشىلاردىڭ جولعا كەتەتىن ۋاقىتىن ەكى ەسەگە ازايتتىق. بۇل ەكونوميكاعا وتە پايدالى»، - دەدى مەملەكەت باسشىسى ن.نازارباەۆ.

ال «قازاقستان تەمىر جولى» كومپانياسىنىڭ اقپاراتىنا سۇيەنسەك، 2016 جىلى زاۋىتتا 149 كەڭ كۋزوۆتى جولاۋشىلار ۆاگونىن شىعارۋ جوسپارلانىپ وتىر. سونداي-اق، مۇگەدەكتەرگە ارنالعان كۋپەلەردە ولاردىڭ ەركiن ءجۇرiپ-تۇرۋىنا بارلىق جاعداي جاسالعان. جاڭا ۆاگوندار 50 گرادۋس ايازدا دا جۇرە بەرەدى.

اباي-اقپارات