ءبىزدىڭ مينيسترلەرگە باتىر اتاعىن بەرۋ كەرەك. شەتىنەن - ماتروسوۆ! دزوتتى كەزەك-كەزەك بۇكىل ابىرويىمەن كەلىپ جابادى.

ءبىز دە ايانىپ جاتقان جوقپىز - اتۋداي-اق "اتامىز". وڭدى-سولدى پىتىرلاتىپ جاتىرمىز. "وعىمىز" سۋ بوپ كەتكەن بە، نە ءوزى؟ ولار دا ەر ەكەن، نە "ولمەيدى", نە قويمايدى. بالا كۇنىمىزدە "سوعىس" ويناۋشى ەدىك قوي، تۋرا سول. اعاش اۆتوماتپەن "تاق-تاق" دەپ اتاسىڭ، "اح، ءولدىم" دەپ باۋىرىن باسىپ قۇلاپ تۇسەدى.

بەس مينۋتتان كەيىن ء"تىرىلىپ" كەتىپ، باسقا جاقتا سوعىسىپ جۇرەدى. ء"اي، سەن جاڭا ولگەنسىڭ، قۇلاپ جاتتىڭ عوي" دەيسىڭ عوي. ۇيات جوق، كۇلەدى: "مەن سەنى الداي سالعام!. ويىن عوي بۇل". دۇرىس ايتادى: ويىن. ءبارىن قىرىپ تاستاساڭ - ەرتەڭ كىممەن "سوعىساسىڭ"? ءايدا، كەتتىك. تاق-تاق. دزوتتىڭ اۋزى بوساي باستادى. تاعى قايسىڭ بارسىڭ؟

سەرىك جانبولات

Facebook-تەگى پاراقشاسىنان