قازاقستاندىق جۇلدىزدار سالىق تولەۋدەن جالتاردى دەگەن ايىپتارعا رەنىشتەرىن ءبىلدىردى. بۇركىت پەن ءدىلناز احماديەۆا مەمكىرىستەر دەپارتامەنتىنىڭ كۇدىكتەرىنە جاۋاپ بەردى. بۇل تۋرالى كتك ارناسى حابارلايدى.

مەكەمە قىزمەتكەرلەرى باق-تا وزدەرىنىڭ تابىسى تۋرالى اقپاراتتى جاريا ەتكەن جۇلدىزداردىڭ سوڭىنا شام الىپ ءتۇستى.

“اقشا ارتىنان ءىز قالدىرادى. ءبىز سول ىزدەرمەن ءجۇرىپ، ولاردىڭ تابىسى شىن مانىسىندە قانداي بولعانىن دالەلدەيتىن بولامىز. ءىرى اقشاعا كولىك سەكىلدى مۇلىكتەر ساتىپ الىپ جاتادى. قىمبات كولىكتەر الىپ جاتسا، تابىس قايدان كەلىپ جاتىر دەگەن ورىندى سۇراق تۋىندايدى”، – دەيدى الماتى بويىنشا مەملەكەتتىك كىرىس دەپارتامەنتى باسقارماسىنىڭ باسشىسى ەدىل ازىمشايىق.

ماسەلەن، بۇركىت Forbes مالىمەتتەرىنە سايكەس، جىل سايىن ميلليون دوللار تابىس تابادى. سول ارادا سالىقشىلار بۇركىتتىڭ جەكە كاسىپكەر رەتىندە تىركەلىپ، سالىق تولەپ تۇرۋدى قاپەرىنە ىلمەگەنىن العا تارتتى. ءانشىنىڭ ءوزى بۇل ايىپتاۋعا تاڭدانىسپەن قارادى.

“ەگەر مەنىڭ تابىسىم راسىمەن سونداي بولسا، مەندە بىرنەشە پاتەر بولار ەدى. ءبىز ءان سالىپ، اقشا تاپپايمىز دەمەيمىن. تابامىز، ارينە، بىراق جۋرنالدا كورسەتىلگەندەي قوماقتى قارجى تاپقان ەمەسپىن”، – دەيدى بۇركىت.

مەملەكەتتىك كىرىس دەپارتامەنتىنە سەنەتىن بولساق، وتكەن جىلى ءالي وقاپوۆ 54 ميلليون تەڭگە تاپقان. ال مەملەكەتتىك قازىناعا ول كوك تيىن دا تولەمەگەن. ءدىلناز احماديەۆا ەكى ەسە ارتىق تابىس تاپقان (108 ميلليون تەڭگە), الايدا ول دا سالىق تولەۋدى ۇمىتىپ كەتكەن.

ء“دىلناز مەملەكەت الدىندا ەسەپ بەرىپ وتىرادى، ياعني سالىق تولەپ وتىرادى”، – دەيدى ءدىلناز احماديەۆانىڭ اكىمشىسى.

ودان بولەك سالىق تولەمەگەندەر تىزىمىندە اسحات تارعىنوۆ، الىشەر كارىموۆ، باحتيار مامەدوۆ، سەرىك يبراگيموۆ، جانار دۇعالوۆا بار.

مەمكىرىس دەپارتامەنتى تىزىمدە جوق ونەر يەلەرىنە دە كەزەك جەتەتىنىن ەسكەرتتى. جاقىن ارادا شەنەۋنىكتەر وسى سالادا تابىس تاۋىپ وتىرعانداردىڭ سوڭىنا تۇسپەك.

وسى ورايدى استانا ارناسىنىڭ تىلشىلەرى ونەر جۇلدىزدارىنىڭ وزدەرىنە قوڭىراۋ شالىپ، پىكىرىن ءبىلدى. انشىلەر اشىق سۇقبات بەرۋدەن جالتاردى. نەگىزىنەن تابىسى تۋرالى ايتپاۋعا تىرىستى، كەيبىرى، ءتىپتى بۇل ماسەلە بويىنشا مازالاماۋدى ءوتىندى.

“سالىق تۋرالى كوممەنتاري بەرگىم كەلمەيدى. بۇگىن ماعان قوڭىراۋ شالعان جۋرناليست قالماعان شىعار. ەشتەڭە ايتا المايمىن”، – دەيدى ءانشى ءالي وقاپوۆ.

“ەشقانداي تۇسىنىك بەرە المايمىن. بۇل ماسەلە بويىنشا تاعى دا ايتامىن، ماعان حابارلاسپاڭىزدارشى، ءوتىنىش”، – دەيدى ماقپال يسابەكوۆا.

ەستەرىڭىزدە بولسا بۇدان بۇرىن سالىقتان جالتارىپ كەلگەن شوۋ-بيزنەس جۇلدىزدارىن تەكسەرۋ باستالعانىنحابارلاعان بولاتىنبىز.

Abai.kz