استانا. 25 تامىز. قازتاگ - ايگۇل تۇلەكباەۆا. يادرولىق سىناقتارعا جاپپاي تىيىم سالۋ تۋرالى كەلىسىم (ياسجتك) ۇيىمىنىڭ كوميسسياسى يادرولىق قارۋدى تاراتپاۋ جانە قارۋسىزدانۋ ىسىنە قوسقان قازاقستاننىڭ ۇلەسىن اتاپ ءوتتى.

«قازاقستانعا وسى سالادا قولعا الىپ جاتقان ارەكەتتەرى ءۇشىن العىس ايتامىن. ءبىلىم سالاسىنداعى قولداۋى ءۇشىن دە. جاقىندا قازاقستان مەن نورۆەگيا قۇرعان، يادرولىق سىناقتارعا مونيتورينگ جاساۋ سالاسىنداعى مامانداردى دايارلايتىن دايىندىق ورتالىعى جۇمىس ىستەي باستاعانىن بىلەسىز»، - دەدى ياسجتك كوميسسياسىنىڭ اتقارۋشى حاتشىسى تيبور توت قر مەملەكەتتىك حاتشىسى - سىرتقى ىستەر ءمينيسترى قانات ساۋداباەۆپەن كەزدەسۋدەن كەيىنگى بريفينگتە.

ت. توت قازاقستانعا حالىقارالىق يادرولىق سىناقتارعا قارسى كۇنى قارساڭىندا (بۇۇ رەزوليۋتسياسىمەن 29 تامىزعا بەلگىلەنگەن - قازتاگ) قر ءسىم بۇۇ وكىلدىگىمەن بىرلەسىپ ۇيىمداستىرعان كونفەرەنتسياعا قاتىسۋ ءۇشىن كەلدى.

26 تامىزدا وتەتىن حالىقارالىق كونفەرەنتسيادا يادرولىق سىناقتاردى توقتاتۋ مەن يادرولىق قارۋدان قۇتىلۋدىڭ ساياسي اسپەكتىلەرى جانە سەمەي ايماعىنىڭ الەۋمەتتىك-ەكونوميكالىق جانە ەكولوگيالىق پروبلەمالارى مەن كەلەشەگى قارالادى.

استانا. 25 تامىز. قازتاگ - ايگۇل تۇلەكباەۆا. يادرولىق سىناقتارعا جاپپاي تىيىم سالۋ تۋرالى كەلىسىم (ياسجتك) ۇيىمىنىڭ كوميسسياسى يادرولىق قارۋدى تاراتپاۋ جانە قارۋسىزدانۋ ىسىنە قوسقان قازاقستاننىڭ ۇلەسىن اتاپ ءوتتى.

«قازاقستانعا وسى سالادا قولعا الىپ جاتقان ارەكەتتەرى ءۇشىن العىس ايتامىن. ءبىلىم سالاسىنداعى قولداۋى ءۇشىن دە. جاقىندا قازاقستان مەن نورۆەگيا قۇرعان، يادرولىق سىناقتارعا مونيتورينگ جاساۋ سالاسىنداعى مامانداردى دايارلايتىن دايىندىق ورتالىعى جۇمىس ىستەي باستاعانىن بىلەسىز»، - دەدى ياسجتك كوميسسياسىنىڭ اتقارۋشى حاتشىسى تيبور توت قر مەملەكەتتىك حاتشىسى - سىرتقى ىستەر ءمينيسترى قانات ساۋداباەۆپەن كەزدەسۋدەن كەيىنگى بريفينگتە.

ت. توت قازاقستانعا حالىقارالىق يادرولىق سىناقتارعا قارسى كۇنى قارساڭىندا (بۇۇ رەزوليۋتسياسىمەن 29 تامىزعا بەلگىلەنگەن - قازتاگ) قر ءسىم بۇۇ وكىلدىگىمەن بىرلەسىپ ۇيىمداستىرعان كونفەرەنتسياعا قاتىسۋ ءۇشىن كەلدى.

26 تامىزدا وتەتىن حالىقارالىق كونفەرەنتسيادا يادرولىق سىناقتاردى توقتاتۋ مەن يادرولىق قارۋدان قۇتىلۋدىڭ ساياسي اسپەكتىلەرى جانە سەمەي ايماعىنىڭ الەۋمەتتىك-ەكونوميكالىق جانە ەكولوگيالىق پروبلەمالارى مەن كەلەشەگى قارالادى.

ت. توت ياسجتك كۇشىنە ەنۋى ءۇشىن 9 ەلدىڭ راتيفيكاتسيالاۋى قاجەتتىگىن ايتتى. «ولاردىڭ كوبى ازيا، تاياۋ شىعىس ايماعىندا ورنالاسقان. ەڭ الدىمەن، بىزگە بۇرىنعىسىنشا كەلىسىمگە سولتۇستىك كورەيا، ءۇندىستان جانە پاكىستان ەلدەرىنىڭ قول قويعانى جانە قىتاي، يزرايل، مىسىر، يران مەن يندونەزيا ەلدەرىنىڭ راتيفيكاتسيالاعانى قاجەت. بۇدان باسقا، وتە ماڭىزدى ماسەلە - اتالعان كەلىسىمدى اقش-تىڭ راتيفيكاتسيالاۋى»، - دەدى ت. توت.

ول الەم قاۋىمداستىعى «باسەكەلەستىك قاۋىپسىزدىككە ەمەس، كووپەراتيۆتى قاۋىپسىزدىككە» كەلەدى دەگەن ءۇمىت ءبىلدىردى. «قازاقستان بۇل سالادا قانداي قادامدار جاساۋعا بولاتىنىن ناقتى ءوز ۇلگىسىمەن كورسەتتى»، - دەدى ت. توت.

«بۇل ءۇشىن كوپ جىل قاجەت بولماي، ۋاقىت وتە كەلە قالعان مەملەكەتتەر كەلىسىمنىڭ راتيفيكاتسياسىن قامتاماسىز ەتىپ، سولتۇستىك كورەيا دا ياسجتكگە قول قويۋ جانە ونى راتيفيكاتسيالاۋ ماسەلەسىن قارايدى دەپ ۇمىتتەنەمىن»، - دەدى ول.

يادرولىق سىناقتارعا جاپپاي تىيىم سالۋ تۋرالى كەلىسىمدى 1996 جىلى بۇۇ باس اسسامبلەياسىنىڭ 50 سەسسياسى قابىلداعان.