رەسمي مالىمەت بويىنشا، قانت باعاسى 65,4 پايىزعا كوتەرىلگەن، جارما – 40,4 پايىزعا، نان - 27,1 پايىزعا، كوكونىس پەن جەمىس – 16,7 پايىزعا، ۇن – 12,4 پايىزعا وسكەن.

كوميتەت سونىمەن بىرگە كوممۋنالدىق قىزمەتتەرگە دە تاريف باعاسىنىڭ وسكەنىن اتاپ وتەدى. سوڭعى جەتى ايدا كارىز 25,3 پايىزعا، سۋىق سۋ – 12,4 پايىزعا، قوقىس شىعارۋ – 11,8 پايىزعا، جىلىتۋ جۇيەسى – 7,3 پايىزعا وسكەن.

دۇنيەجۇزىلىك بانكتىڭ وتكەن ايدا جاريالاعان «قازاقستان. قالپىنا كەلۋدەگى ۇزاق جول» دەپ اتالاتىن بايانداماسىندا ەكسپەرتتەر تاۋار جانە قىزمەت كورسەتۋ باعاسىنىڭ بىردەن وسكەنىنە الاڭداۋشىلىق بىلدىرگەن. دۇنيەجۇزىلىك بانكتىڭ ساراپشىلارى قازاقستان تۇرعىندارىنىڭ 14 پايىزى كەدەيشىلىكتە ءومىر سۇرەدى دەيدى (كۇنىنە بەس اقش دوللارىنا ءومىر سۇرەدى).

اباي-اقپارات