اقش ليۆياداعى يم-گە اۋە شابۋىلىن جاسادى
اقش ليۆياداعى "يسلام مەملەكەتى" (يم) تەرروريستىك ۇيىمى ورنالاسقان جەرگە وسى ەلدىڭ ءوتىنىشى بويىنشا، بۇۇ-نىڭ قولداۋىمەن اۋە شابۋىلدارىن جاسادى. ليۆيا ۇكىمەتى سودىرلاردى سيرت قالاسىنان قۋىپ شىعۋ ءۇشىن اقش-تان كومەك سۇراعان.
ء"بىرىنشى اۋە سوققىلارى سيرتتاعى بەلگىلەنگەن جەرلەرگە جاسالدى. يم-ءنىڭ ايتارلىقتاي مۇشەلەرى جويىلدى", – دەپ مالىمدەدى ليۆيا پرەمەر-ءمينيسترى فايز سارادج مەملەكەتتىك تەلەارنالار ارقىلى.
اقش پرەزيدەنتى باراك وباما اۋە شابۋىلدارىن قولدادى دەپ حابارلادى اق ءۇي. وباما مۇنداي شەشىمدى قورعانىس ءمينيسترى ەشتون كارتەر مەن قارۋلى كۇشتەر شتاب باسشىلارىنىڭ كوميتەت توراعاسى دجوزەف دانفوردپەن كەلىسكەننەن كەيىن قابىلداعان. پەنتاگون توراعاسى پيتەر كۋك اۋە شابۋىلدارى اياقتالدى دەپ مالىمدەدى.
"يسلام مەملەكەتى" ەكسترەميستىك توبى سيرت قالاسىن وتكەن جىلى باسىپ الىپ، يم-ءنىڭ سيريا جانە يراكتاعى نەگىزگى بازاسى ەتكەن.
اباي-اقپارات
