مۇنان بولەك، پرەزيدەنت تاعى ءبىر ءان جازىپتى، بىراق ونىڭ ءالى ءماتىنى جوق.

پرەزيدەنت گۋربانگۇلى بەردىمۇحامەدوۆ وسىعان دەيىن دە مۋزىكالىق دارىنى بارىن كورسەتىپ كەلگەن. 2011 جىلى ول «مەن ساعان بەرگەن اق گۇلدەرىم» دەگەن ءان جازعان. بىراق 2009 جىلى بۇل ءاندى تۇركىمەن ءانشىسى دوۆلەت امانلىكوۆ ورىنداپ جۇرگەن. مۇنان بولەك پرەزيدەنت دي-دجەي رولىندە دە ءوزىن كورسەتكەن.

تۇركىمەنستان پرەزيدەنتى ءوزى شىعارعان ولەڭدەرىن ءجيى جاريالاپ تۇرادى. مىسالى «العا، العا، تەك العا، سۇيىكتى وتانىم — تۇركىمەنستان» دەپ اتالاتىن ءانىن 2015 جىلى ءبىر مەزگىلدە ءتورت مىڭ ادام ورىنداپ، گيننەستىڭ رەكوردتار كىتابىنا ەندى. بۇگىندە بۇل ءان تۇركىمەن حالقىنىڭ ۇرانىنا اينالىپ كەتكەن.

مۇنىمەن پرەزيدەنتتىڭ ادەبي جەتىستىكتەرى اياقتالىپ قالعان جوق. پرەزيدەنت 2007 جىلى مەملەكەت تىزگىنىن ۇستاعالى بەرى ءۇش مىڭعا جۋىق كىتاپ جازىپتى.