كەيبىر اعا-باۋىرلارىمىزدى تۇسىنبەيمىن. ەگەر، ءبىز ءوزىمىزدى حانافي ءمازھابىنانبىز دەپ مويىنداساق، وندا سول ءمازھاب عۇلامالارىنىڭ ءپاتۋاسىنا ەرۋگە ءتيىستىمىز (تاقليد). سەبەبى، ءاربىر ادام قۇران مەن سۇننەتتەن يستينباد (ۇكىم) شىعاراتىن مۋجتاھيد ەمەس.

يجتيھاد ء(دىني ۇكىم) جاساۋدى اللا ەرەكشە زەيىندى ادامداردىڭ عانا پەشەنەسىنە جازعان. ەگەر، ءاربىر ادام ءاربىر ماسەلەگە جەكە ءوزى ءدىني ۇكىم شىعارۋعا ءتيىستى بولسا، وندا حاكىم اباي ايتپاقشى دۇنيەنىڭ ءىسى ادىرا قالىپ "ەگىندى كىم سالادى، مالدى كىم باعادى" دەگەن ماسەلە ورتاعا شىعادى. ياعني، وندا جۇرتتىڭ ءبارى عىلىممەن اينالىسۋى كەرەك بولادى. ول مۇمكىن ەمەس نارسە. سول ءۇشىن دە ءمازھابتا قالىڭ بۇقارا مۋجتاھيدتەردىڭ ءپاۋتاسىنا ەرەدى (مۋقاليد).

ەگەر، ءبىر ادام مازھابقا مويىنسۇنىپ، ارتىنان سول مازھابقا ساي ەمەس پاتۋاعا ەرسە نەمەسە پىكىر ايتسا، وندا ول شاريعات بويىنشا تالفيق (ارالاستىرۋ) جاساعان بولىپ ەسەپتەلەدى. ال، حانافي ءمازھابىندا تالفيق جاساعانعا 20 مەن 40-تىڭ اراسىندا دۇرە سوعىلىپ، جازالانادى. نە ءۇشىن؟

ويتكەنى، ەگەر ءبىر كەڭىستىكتىڭ تۇرعىندارى تۋىنداعان ماسەلەلەرگە قاتىستى ءبىر-بىرىمەن قابىسپايتىن ءارتۇرلى ءپاتۋالار مەن ۇكىمدەردى باسشىلىققا الاتىن بولسا، وندا ول كەڭىستىكتىڭ قوعامدىق بىرىزدىلىگى بۇزىلادى. بۇل دەگەنىمىز ءفيتنا! سوندىقتان، كەيبىر بەيپىل اۋىز اعا-باۋىرلارىمىزعا ايتارىم: بىردەڭە ايتاردا (مىسالى، مۇسىلمان نەمەسە مۇسىلمان ەمەستى انىقتاۋ ماسەلەسىندە) ءمازھاب عۇلامالارىنىڭ ءپاتۋالارىنا جۇگىنسەڭىزدەر ەكەن. اللا الاشتى بىرلىگىنەن ايىرماسىن!

مۇقان يساحان

Facebook-تەگى پاراقشاسىنان