بايلىققا نەگە قۇمار ەمەسپىز؟
ءبىزدىڭ قازىرگى جاستاردا مىنانداي ءبىر پورودوكس بار. كوبى قارجىدان قىسىلىپ جۇرەدى. "بيزنەس باستاۋعا" كەلىپ، تابىس تابۋدىڭ كوزىن كورىپ، تابىس تابا باستايدى. بىراق "ازارت" جوق. ءبىراز اقشا تاپقان سوڭ ارى قاراي ۇمتىلمايدى، جەلى شىعىپ قالادى. تابىس كوزىن كورىپ تۇرسا دا، توقتاپ قالادى.
قازاقستاندا تۇرىپ جاتقان باسقا ۇلتتاردىڭ قانىندا وسى بار: بايلىققا، بارلىققا قۇمارلىق. ءبىز ولاردى "اقشادان ولگەن، اقشاقۇمار، ەسىل-دەرتى - بايلىق" دەپ سىنايمىز.
1930 ءجىلدارى بىر اقىن مىنانداي ولەڭ جازىپتى
"سەندە جوق قۋلىق، سۇمدىق ءتاسىل ايلا
جارالعاننان ىزدەمەدىڭ بايلىق، پايدا
مىرزالىق، قوناقجايلىق سورىڭ بولىپ
سۇيەگىڭ قالار ما ەكەن قۇم مەن سايدا"
1932 جىل سول تۋرا كەلدى. ءبىزدىڭ ءۇرجاردا ءبىر ورىس ولمەپتى. بالىق اۋلاعان، جەمىس جيدەكتەرىمەن ومىرلەرىن ساقتاپ قالعان..
اشكوزدەنىپ اقشادان باسقانى ويلاماۋ - ول دا باقىتسىزدىققا اپارادى. اقشانى جۇرەككە ءتۇسىرىپ الماي، "ول ماعان تاۋەلسىزدىك اپەرەدى، قارجىلاي تاۋەلسىزدىك الامىن" دەپ ىستەۋ كەرەك. مول تابىس تاپقان ادام جاقىن-تۋعاندارىنا دا كومەكتەسە الادى. "تابىسىمدى ەسەلەپ كوبەيتسەم، سودان كەيىن جاقسىلىق جاسام" دەگەن ارمان، "ازارت" بولۋ كەرەك جاستاردىڭ بويىندا.
"100 000-دى 1000 000 قىلسام، ونى 10 000 000 قىلسام، تۋعان اۋىلىما كومەكتەسەر ەدىم، جارلى-جاقىبايلارعا كومەتەسەر ەدىم" دەپ ارمانداپ تابىس قۋالاۋ كەرەك، سوندا سۇرگەن ءومىردىڭ ءمانى دە بولادى.
"ەي باۋىرىم
ءوز دارەجەڭ بولماسا،
بۇل جالعاندا نەسىنە ءومىر سۇرگەنسىڭ" دەگەن ەكەن مۇقاعالي.
احمەتبەك نۇرسيلا
Abai.kz
