جەكسەنبى, 24 قاراشا 2024
جاڭالىقتار 4102 0 پىكىر 28 قازان, 2016 ساعات 10:41

الەم توقىماشىلارى شىمكەنتتە

شىمكەنت قالاسىندا «توقىما ونەركاسىبىنە ارنالعان تاۋارلار مەن جابدىقتار – MACHTEX-2016» II قازاقستاندىق حالىقارالىق كورمەسى مەن فورۋمى وتۋدە. حالىقارالىق دەڭگەيدەگى كورمەگە وڭتۇستىك قازاقستان وبلىسىنىڭ اكىمى جانسەيىت تۇيمەباەۆ تا كەلدى. ول كىسى كورمەنىڭ اشىلۋ سالتاناتىندا ءسوز سويلەپ، «Machtex 2016» كورمەسى توقىما ونەركاسىبىنە ارنالعان قازاقستانداعى جالعىز مامانداندىرىلعان ءىس-شارا بولىپ تابىلاتىنىن تىلگە تيەك ەتتى. ناعىز شەبەرلەردىڭ باسىن قوسقان فورۋمعا قازاقستان، قىرعىزستان، وزبەكستاننان بولەك، كىلەمدەرىمەن كىل مىقتىلار اتانعان يتاليا، قىتاي، پولشا، رەسەي، تۇركيا جانە جاپونيا ەلدەرىنەن 50-دەن استام كومپانيا قاتىسۋدا. توعىسقان توقىما  ماماندارى فورۋمدا وزدەرىن كىلەم پاتشالىعىنا كەلگەندەي سەزىنۋدە.

سونىمەن بىرگە، كورمە قاتىسۋشىلارى توقىما ونەركاسىبىنە ارنالعان جابدىق، ماتا مەن ۇساق-تۇيەك زاتتار، ونەركاسىپ كومپانيالارىنا ارنالعان ارنايى كيىم، سەرۆيستىك قىزمەت كورسەتۋگە ارنالعان بىرىڭعاي فورمالار مەن مەكتەپ فورماسىن، ۇلتتىق كيىم، بالالار مەن ۇيگە ارنالعان توقىما جانە كىلەم ونىمدەرىن، ەرلەر مەن ايەلدەرگە ارنالعان كيىم-كەشەكتەر ۇسىنۋدا.

بۇل فورۋم اياسىندا ەلىمىزدە جەڭىل ونەركاسىپتى دامىتۋدىڭ بولاشاعى مەن دامۋى جايى جانە توقىما ونەركاسىبىنىڭ ينۆەستيتسيالىق الەۋەتىن ارتتىرۋعا ارنالعان تاجىريبەلىك جۇمىستار وتكىزىلەدى. فورۋم جۇمىسىنا وسى سالانىڭ 2 مىڭنان استام ماماندارى قاتىسۋدا. سونىڭ بارلىعىنا دا وتاندىق كاسىپكەرلەرمەن ۇنەمى بايلانىستا بولۋ، الداعى ۋاقىتتا تاجىريبە الماسۋ، جەلىلىك قارىم-قاتىناستا جۇمىس ىستەۋ ۇسىنىلىپ وتىر.

بۇگىنگى تاڭدا وڭتۇستىك قازاقستاندا 2 ءىرى كىلەم فابريكاسى مەن شيكى ماقتا وسىرۋدەن ماتا وندىرۋگە دەيىنگى جابىق تسيكلىن جۇزەگە اسىراتىن «ازالا تەكستيل» فابريكاسى جۇمىس ىستەيدى. بۇلار وسى سالادا ءوز ورىندارىن تاپقان كاسىپورىندار. دەسەك تە، الەمدىك دەڭگەيگە كوتەرىلە قويماعانى شىندىق. ال الداعى ۋاقىتتا وسىنداي حالىقارالىق دەڭگەيدەگى كورمەلەرگە قاتىسۋ، تاجىريبە الماسۋلاردان سوڭ جەرگىلىكتى كاسىپكەرلەر ءوز ونىمدەرىمەن شەتەلدىڭ  ىرگەلى كومپانيالارىمەن اشىق باسەكەلەسە الاتىن دارەجەگە جەتەدى دەپ ۇمىتتەنەمىز. 

Abai.kz

0 پىكىر

ۇزدىك ماتەريالدار

سىني-ەسسە

«تالاسبەك سىيلىعى»: تالقاندالعان تالعام...

اباي ماۋقاراۇلى 1490
بىلگەنگە مارجان

«شىعىس تۇركىستان مەملەكەتى بەيبىت تۇردە جوعالدى»

ءالىمجان ءاشىمۇلى 3257
ءبىرتۋار

شوقاننىڭ ءازىل-سىقاقتارى

باعدات اقىلبەكوۆ 5552