تەرىسكەيلىكتەر  اۋدان ورتالىعىندا اۋىلشارۋاشىلىق ونىمدەرىنىڭ جارمەڭكەسى ۇيىمداستىردى. ون ەكى اۋىل وكرۋگىنىڭ شارۋالارى وزدەرى شىعارعان ونىمدەردى اۋدان حالقىنا ءتيىمدى باعادا ۇسىندى.

اۋدان اكىمى م. يساەۆ بارشا ەڭبەك ادامدارىن اتاۋلى كۇنمەن قۇتتىقتاپ، بىرقاتتار وزات جاندارعا العىس حات تاپسىردى. قىزىلكول ەلدى مەكەنىندەگى «قايرات» بالاباقشاسىنىڭ باسشىسى، ەڭبەك وزاتى ن. تولەۋوۆا بارشا اۋدان حالقىن قۇتتىقتاپ، تالماي ەڭبەك ەتۋگە شاقىردى. مەرەكەگە وراي بەزەندىرىلگەن ورتالىق الاڭدا اۋداندىق مادەنيەت ءۇيى قىزمەتكەرلەرى قويعان كونتسەرتتىك باعدارلاماعا ۇلاستى.  

ايتا كەتۋ كەرەك، سوزاقتا ءمۇيىزدى ءىرى قارا 761, مايدا مال – 4600, جىلقى – 326, تۇيە-76 باستى قۇراپ، وتكەن جىلمەن سالىستىرعاندا ءبىرشاما ارىتقان. مال ازىعىن دايىنداۋ بويىنشا 108 پايىزعا  ورىندالعان. كاسىپكەرلىك سالاسى بويىنشا 5 ارالاس ساۋدا دۇكەنى حالىققا قىزمەت ەتىپ كەلەدى. «كاتكو» قازاق فرانتسۋز بىرىككەن كاسىپورنى 800 مىڭ تەڭگەگە بالالارعا ويىن الاڭشاسىن سالىپ بەرگەن. سونداي-اق اتالعان شەتەلدىك كومپانيا اتاۋلى كۇندەرى «التىن»، «كۇمىس» القالى انالارعا 200 مىڭ تەڭگە كولەمىندە، ال، قارتتار جانە مۇگەدەكتەرگە 1 قاپ ۇن مەن قىسقى ماۋسىمدا ءار وتباسىعا 2 توننا قاتتى وتىنمەن قامتاماسىز ەتكەن.

ءبىلىم سالاسىندا 2 وقۋشى ۇزدىك اتتەستات يەلەنىپ، 10 وقۋشى جازعى دەمالىس لاگەرىنە دەمالىپ قايتقان. اۋىلدىق ەمحانا جوسپار بويىنشا جۇمىس جاساپ، بيىلعى جىلى سارى اۋرۋ مەن برۋتسەللەز اۋرۋى تىركەلمەگەن. بيىلعى جىلى اۋىل وكرۋگ بويىنشا بىردە ءبىر قىلمىس تىركەلمەگەن.

Abai.kz