سەنبى, 19 قازان 2019
كاسىپ-ءتۇبى ءناسىپ 2177 0 پىكىر 27 قازان, 2016 ساعات 10:48

قىزىلوردادا ەلەكتروندىق كوممەرتسيانى دامىتۋ جونىندە العاشقى حالىقارالىق ينتەرنەت-فورۋم ءوتتى

26 قازان كۇنى قىزىلوردادا e-commerce سالاسىنداعى وتاندىق جانە شەتەلدىك ساراپشىلاردىڭ قاتىسۋىمەن G-Global كوممۋنيكاتيۆتىك الاڭىندا ەلەكتروندىق كوممەرتسيانى دامىتۋعا ارنالعان تۇڭعىش حالىقارالىق ينتەرنەت - فورۋم ءوتتى. شارانى «اتامەكەن» ۇكپ جانە قىزىلوردا وبلىسىنىڭ اكىمدىگى ۇيىمداستىردى.

فورۋم جۇمىسىنا  قىزىلوردا وبلىسىنىڭ اكىمى قىرىمبەك كوشەرباەۆ قاتىسىپ، ەلەكتروندىق كوممەرتسيانى دامىتۋدىڭ ايماق ەكونوميكاسى ءۇشىن ماڭىزى زور ەكەنىن اتاپ ءوتتى.  

- ەلەكتروندىق ساۋدانىڭ تيىمدىلىگى كوپ جاعدايدا مەملەكەتتىڭ ساياساتىنا تىكەلەي بايلانىستى. ويتكەنى ەلەكتروندىق كوممەرتسيا وففلاين بيزنەستىڭ تەك قوسىمشاسى عانا.  ەگەر مەملەكەت تاۋار وندىرۋشىلەرگە جاعداي جاساپ وتىرسا، ال ينتەرنەت-دۇكەندەرگە  مىسالى، تاۋاردى كەدەندىك راسىمدەۋ جانە سالىق تولەۋ كەزىندە بەلگىلى ءبىر پرەفەرەنتسيالار جاسالۋى قاجەت، - دەدى اكىم.

قىرىمبەك كوشەرباەۆ بارلىق قاتىسۋشىلاردى ءوزارا تاجىريبە  الماسۋعا شاقىردى جانە قىزىلوردالىق كاسىپكەرلەر ايماقتا e-commerce, ياعني  ەلەكتروندىق كوممەرتسيانى دامىتۋعا قاتىستى بارلىق ۇسىنىستاردى قاراستىرۋعا دايىن ەكەنىن ايتتى.

فورۋمنىڭ ماقساتى – e-commerce ەلەمەنتتەرى اراسىنداعى ءوزارا ناقتى بايلانىستاردى دامىتۋعا ىقپال ەتۋ، سونداي-اق، لوگيستيكالىق تىزبەكتى وڭتايلاندىرۋ، ماركەتينگتىك تەحنولوگيالاردى ىلگەرىلەتۋ جانە ونلاين-ساۋدا كومپانيالارىنىڭ تابىستىلىعىن ارتتىرۋ. سونىمەن قاتار فورۋم سپيكەرلەرى مەن  قاتىسۋشىلار ينتەرنەتتە بيزنەس جۇرگىزۋ  تاجىريبەلەرىمەن ءبولىسىپ، ونلاين ساۋدا  جۇرگىزۋدەگى ەلەكتروندىق كوممەرتسيانى دامىتۋ ارقىلى وتاندىق تاۋار وندىرۋشىلەرگە قولداۋ جاساۋ، ونلاين-ساۋدا جۇرگىزۋدەگى ەلەكتروندىق اقشانىڭ ءرولى، كولەڭكەلى ەكونوميكانى ازايتۋ  جانە وزگە دە ماڭىزدى ماسەلەلەردى تالقىعا سالدى.

abai.kz

0 پىكىر