جاقىندا وڭتۇستىك قازاقستان وبلىسى اكىمى جانسەيىت تۇيمەباەۆ بىرىككەن ۇلتتار ۇيىمى بالالار قورىنىڭ (يۋنيسەف) قازاقستانداعى وكىلى يۋ.وكساميتنىيمەن كەزدەستى. بۇل تۋرالى «Abai.kz» پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

اتالعان كەزدەسۋدە قوس تاراپ انا مەن بالا ءولىمىن ازايتۋ ءام نارەستەنىڭ تۋ كورسەتكىشىن كوبەيتىپ، بالانىڭ دامۋ دەڭگەيىن ارتتىرۋ جايىن ءسوز ەتتى.

«دامىعان 30 ەلدىڭ قاتارىنا ەنۋ ءۇشىن قازاقستاندا انا مەن بالا ءولىمىن ازايتۋىمىز قاجەت. ياعني بالالار اراسىنداعى سۋيتسيدپەن كۇرەسۋىمىز كەرەك. بۇل باعىتتا ءبىز وعان قارسى ارنايى جوبا ازىرلەدىك. قىزىلوردادا جۇزەگە اسىرىلعان جوبا بۇگىنگى كۇننىڭ وزىندە وڭ ناتيجەسىن بەرە باستادى»،- دەدى بىرىككەن ۇلتتار ۇيىمىنىڭ بالالار قورىنىڭ قازاقستانداعى وكىلى يۋ.وكساميتنىي.

اتالعان جوبانى وڭتۇستىك قازاقستاندا جۇزەگە اسىرۋ تۋرالى ۇسىنىسىن ايتقان مارتەبەلى مەيمان اكىمدىكپەن ارىپتەستىك ورناتۋعا نيەتتى ەكەنىن دە جەتكىزدى.

ايتا كەتەيىك، ءوز كەزەگىندە وبلىس اكىمى جانسەيىت قانسەيىتۇلى تۇيمەباەۆ يۋنيسەف-ءتىڭ قازاقستانداعى وكىلىنىڭ ۇسىنىسىن قابىلداپ، وبلىستاعى اتالعان سالا باسشىلارىنا، ماماندارىنا جوبانى ىسكە اسىرۋ بويىنشا بىرقاتار تاپسىرمالار بەردى.

سونداي-اق، بۇۇ-نىڭ وڭتۇستىك قازاقستاندى نىساناعا الۋىنىڭ باستى سەبەبى - وڭتۇستىكتە حالىق سانىنىڭ ءوسىمى مەن دەموگرافيالىق ىلگەرۋلەۋ بار. سوڭعى جىلدارى وڭتۇستىك تۇرعىندارىنىڭ سانى ەداۋىر ارتىپ، رەسپۋبليكاداعى مەگاپوليس قالالار ساناتىنا قوسىلعان-تىن. 

وقو اكىمىنىڭ ءباسپاسوز قىزمەتى