اتىراۋدا ماكس بوقاەۆ پەن تالعات ايانوۆتىڭ ءىسى بويىنشا باستى سوت وتىرىسى ودان ءارى جالعاسۋدا. كەشە №2 اتىراۋ قالالىق سوتىندا ميتينگكە قاتىسقان قاراباتان كەنتىندەگى «DSL Caspian» جشس، «وررۆ» جشس جۇمىسكەرلەرىنەن جاۋاپ الىندى.

 «Facebook الەۋمەتتىك جەلىسىندە ماكس بوقاەۆتىڭ جەر ماسەلەسى بويىنشا ءسوز سويلەپ جاتقان بەينەروليكتەرىن كوردىم. بۇل ۆيدەولاردىڭ بارلىعىندا قازاقستان جەرى الداعى ۋاقىتتا شەتەلدىكتەرگە جالعا بەرىلەدى دەپ ايتىلادى. وسىلايشا، 24 ءساۋىر كۇنى ميتينگكە بارۋ تۋرالى شەشىم قابىلدادىم. وندا مەن عانا ەمەس، مەنىڭ ارىپتەستەرىم دە باردى»، - دەدى «DSL Caspian» جشس م.دۇيسەشوۆ.

وتىرىسقا كەلگەن كۋاگەرلەر، ياعني جۇمىسشىلاردىڭ بارلىعى ميتينگ تۋرالى جۇمىس ورىندارىندا جانە عالامتور ارقىلى ەستىگەندىكتەرىن جەتكىزدى. ولاردىڭ ۇيالى تەلەفوندارىنا دا ءتۇرلى ۆيدەو كەلگەندىگى انىقتالدى. بۇل بەينەروليكتەردە جاقىن ارادا قازاقستان جەرى قىتايعا ساتىلادى دەلىنگەن. سونداي-اق، ميتينگكە قاتىسقاندار شەرۋدە ءسوز سويلەپ تۇرعان ماكس بوقاەۆتى تانىعاندىقتارىن ايتتى. دەگەنمەن، جۇمىسشىلار «جەر تۋرالى» زاڭعا ناقتى قانداي وزگەرىستەر ەنگىزىلمەكشى ەكەندىگىن تۇسىنبەگەندەرىن جەتكىزدى. جۇمىسشىلاردىڭ ايتۋىنشا، ولار قازاقستان جەرى قىتايعا ساتىلادى دەگەندى ەستىگەندىكتەن عانا ميتينگكە ەش ويلانباستان شىققان.

ەسكە سالا كەتسەك، 2016 جىلدىڭ ءساۋىر ايىندا ت.ايانوۆ پەن م.بوقاەۆ جەر زاڭناماسىنا قوعامنىڭ قىزىعۋشىلىعى ارتقان ءساتىن پايدالانىپ، «جەر ماسەلەسى» بويىنشا قارسىلىق اكتسيالارىن ۇيىمداستىرعان. ولار تۇرعىنداردى جەر تاقىرىبىنا ەلىكتىرىپ، حالىقتىڭ پاتريوتتىق سەزىمىن ءوز جەكە باسىنىڭ مۇددەسىنە پايدالانىپ، «Facebook» الەۋمەتتىك جەلىسىندەگى جەكە پاراقشالارىندا «ەل باسشىلىعى اۋىل شارۋاشىلىعى جەرلەرىن شەتەلدىك ازاماتتار مەن كومپانيالاردىڭ جەكەمەنشىگىنە اينالدىرۋدى جوسپارلاۋدا» دەگەن سيپاتتاعى جالعان اقپارات تاراتقان. م.بوقاەۆ پەن ت.ايانوۆقا قر قىلمىستىق كودەكسىنىڭ ءۇش بابى بويىنشا ايىپتار تاعىلۋدا. اتاپ ايتساق، ولار: 174 باپتىڭ 2 تارماعى، ياعني، الەۋمەتتىك جانە ۇلتتىق الاۋىزدىق تۋعىزۋعا باعىتتالعان قاساقانا ءىس-ارەكەتتەر جاساۋ، ازاماتتاردىڭ ۇلتتىق نامىسى مەن قادىر-قاسيەتىنە ءتىل تيگىزۋ; 274 باپتىڭ 4 تارماعى، ياعني، قوعامدىق ءتارتىپتى بۇزۋعا قاۋىپ توندىرەتىن كوپە-كورىنەۋ جالعان اقپارات تاراتۋ; 400 باپ، ياعني، زاڭسىز شەرۋلەردى ۇيىمداستىرۋ، وتكىزۋ جانە وعان قاتىسۋ.

كەمەل قاراسارتوۆ

Abai.kz