جۋىردا الماتى وبلىسى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىندا مەكتەپكە دەيىنگى تاربيە مەن وقىتۋ ۇيىمدارى قىزمەتكەرلەرىنىڭ «وقىتۋ ۇردىسىنە وتباسىن قاتىستىرۋ تاربيەلەۋ مەن وقىتۋدىڭ ساپاسىن ارتتىرۋدىڭ باستى باعىتى» اتتى وبلىستىق سەمينار ءوتتى.

مەكتەپكە دەيىنگى ۇيىمداردا وقىتۋ ۇردىسىنە وتباسىن قاتىستىرۋ ارقىلى تاربيەلەۋ مەن وقىتۋدىڭ ساپاسىن ارتتىرۋدىڭ ەرەكشەلىكتەرى جونىندە باعىت-باعدار بەرۋدى ماقسات ەتكەن كەلەلى جيىنعا الماتى وبلىسى بويىنشا مەكتەپكە دەيىنگى ۇيىم مەڭگەرۋشىلەرى، ادىسكەرلەرى مەن تاربيەشىلەرى قاتىستى.

الماتى وبلىسى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتىنىڭ ديرەكتورى،  فيلولوگيا عىلىمدارىنىڭ دوكتورى كەنجەحان ءىسلامجانۇلى ماتىجانوۆ: ء«بىزدىڭ حالقىمىزدا وتباسىلىق ينستيتۋت ابدەن قالىپتاسقان. قاراپ وتىرساڭىزدار، ءبىزدىڭ ۇلى ادامدارىمىزدىڭ بارلىعى تولىق وتباسىنان شىققان جاندار. سوندىقتان ۇلتتىڭ ۇيىتقىسى جوعارى وقۋ ورىنىنان ەمەس، ورتا مەكتەپتەن ەمەس، وتباسىنان باستالۋى قاجەت. بۇل ءۇردىس ۇلتتىق مەملەكەتتەردە جاقسى ساقتالعان. ماسەلەن، جاپون مەملەكەتىندە ءالى كۇنگە دەيىن وتباسىلىق تاربيە مەن ءداستۇرلى تاربيەگە دەگەن كوزقاراس نىق ساقتالىپ تۇر. ال بىزدە، بۇگىنگى كۇنى ورتا مەكتەپتەردە تاربيە ماسەلەسى ەكىنشى ورىنعا قاراي ىعىسىپ بارادى. بۇل ءبىز ءۇشىن، ءبىزدىڭ مەملەكەت، ءبىزدىڭ قوعام ءۇشىن وتە قاۋىپتى دۇنيە.

قازىرگى تاڭدا وتباسىنىڭ قالالىق جاعدايدا، اۋىلدىق جاعدايدا بولسىن وتباسىنىڭ ەكىنشى ءرولىن اتقاراتىن بالاباقشا عوي. سوندىقتان دا، بالاباقشادا قىزمەت ەتەتىن سىزدەرگە ەرەكشە كوڭىل ءبولىنۋى كەرەك. ءبىزدىڭ ينستيتۋت قىزمەتكەرلەرى سىزدەرگە ادىستەمەلىك تۇرعىدا قولداۋعا، كومەك كورسەتۋگە ارقاشان دا دايىن»،- دەپ ايتىپ ءوتتى.

كەلەسى بولىپ ءسوز سويلەگەن ينستيتۋتىمىزدىڭ قۇرمەتتى قوناعى پەداگوگيكا عىلىمدارىنىڭ دوكتورى، اباي اتىنداعى قازۇپۋ پروفەسسورى اميروۆا ءامينا سليامحانقىزى وقىتۋ ۇردىسىنە وتباسىن قاتىستىرۋ ارقىلى تاربيەلەۋ جايلى قۇندى وي-پىكىرلەرىمەن ءبولىستى.

الماتى وبلىسى بويىنشا پەداگوگ قىزمەتكەرلەردىڭ بىلىكتىلىگىن ارتتىرۋ ينستيتۋتى ديرەكتورىنىڭ عىلىمي-ادىستەمەلىك جۇمىستار جونىندەگى ورىنباسارى، ساياسي عىلىمدارىنىڭ دوكتورى اۋەلگازينا تولقىن قۇدايبەرگەنقىزى «وتباسى – رۋحاني-ادامگەرشىلىك تاربيە باستاۋى» اتتى بايانداماسىندا: «وتباسى – ادامزات بالاسىنىڭ ءتۇپ قازىعى، التىن ۇياسى. ونى قوعامدىق تاربيەنىڭ قاي سالاسى بولسا دا الماستىرا المايدى. وتباسىنىڭ نەگىزگى قىزمەتى بالانى ومىرگە كەلتىرۋ عانا ەمەس، ونىڭ بويىنا كونە زاماننان كەلە جاتقان ۇلتتىق تاربيەنىڭ تاعلىمدارى مەن اعا ۇرپاقتىڭ تاجىريبەسىن ءسىڭىرۋ، قوعامعا پايدالى جەكە تۇلعا ەتىپ تاربيەلەۋ بولىپ تابىلادى»،- دەي كەلە مەكتەپكە دەيىنگى ۇيىمداردا وتباسىن قاتىستىرۋ ساپالى تاربيە بەرۋدىڭ العىشارتى ەكەندىگىن قاداپ ايتتى. 

سەمينار سوڭىندا ءوز تاجىريبەسىمەن بولىسكەن قاتىسۋشىلارعا ينستيتۋت تاراپىنان ارنايى العىس حات، قۇرمەت گراموتالارى مەن سەرتيفيكاتتار تابىس ەتىلدى.

نۇراقباەۆا ايگۇل زۇلپىقارقىزى،

«ورلەۋ» باۇو» اق فيليالى «الماتى وبلىسى بويىنشا پەداگوگ   قىزمەتكەرلەردىڭ بىلىكتىلىگىن ارتتىرۋ ينستيتۋتى»، قوعاممەن بايلانىس جانە باسپا قىزمەتى ءبولىمىنىڭ باس مامانى

Abai.kz