«نۇر وتان» پارتياسى توراعاسىنىڭ ءبىرىنشى ورىنباسارى مۇحتار ابرارۇلى قۇل-مۇحاممەد وڭتۇستىك قازاقستان وبلىسىنا جۇمىس ساپارىمەن كەلدى. بۇل تۋرالى «اباي اقپارات» وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

جۇمىس ساپارىن «نۇرلى جول» باعدارلاماسى اياسىندا سالىنىپ جاتقان 5 قاباتتى تۇرعىن ءۇي قۇرىلىسى مەن «دوستىق» شاعىن اۋدانىنداعى 1200 ورىندىق مەكتەپتىڭ قۇرىلىسىن ارالاۋمەن باستاعان مۇحتار ابرارۇلى، كوكونىس وندىرۋمەن اينالىساتىن ەلىمىزدەگى ەڭ ءىرى جىلىجاي كەشەنىنىڭ جۇمىسىمەن دە تانىستى.

سونىمەن قاتار، «نۇر وتان» پارتياسى توراعاسىنىڭ ءبىرىنشى ورىنباسارى مۇحتار ابرارۇلى «وڭتۇستىك» يندۋستريالدى ايماعىندا ورنالاسقان  شىنى بۇيىمدارىن شىعاراتىن «ەۆرو كريستالل» زاۋىتىنا بارادى دەپ جوسپارلانۋدا.

وبلىسقا جاساعان ساپار بارىسىندا ساياسي ۇيىم باسشىسى «نۇر وتان» پارتياسى وڭتۇستىك قازاقستان وبلىستىق فيليالىنىڭ كەزەكتەن تىس ءححىح كونفەرەنتسياسىنا قاتىسقان بولاتىن.

ايتا كەتەيىك، بۇگىن وڭتۇستىك قازاقستاندا «نۇر وتان» پارتياسى وبلىستىق فيليالىنىڭ كەزەكتەن تىس ءححىح كونفەرەنتسياسى ءوتتى. وتىرىستا پارتيا توراعاسىنىڭ ءبىرىنشى ورىنباسارى م.ا.قۇل-مۇحاممەد توراعالىق ەتتى. 

كونفەرەنتسيا بارىسىندا وقو اكىمى جانسەيىت تۇيمەباەۆ «نۇر وتان» پارتياسى وبلىستىق فيليالىنىڭ توراعاسى بولىپ سايلاندى. 

ال جاڭا توراعا وزىنە جۇكتەلگەن سەنىم ءۇشىن العىسىن ءبىلدىرىپ، مەملەكەتتىك باعدارلامالاردىڭ ورىندالۋى مەن وبلىستىڭ دامۋىنا ۇلەس قوسۋعا دا پارتيا بەلسەندى تۇردە اتسالىساتىنىن جەتكىزدى.

شيرەك عاسىردا ەلىمىزدىڭ  قول جەتكىزگەن جەتىستىگىنىڭ بارشاسىندا حالىقتىق پارتيا – «نۇر وتان» پارتياسىنىڭ ۇلەسى زور ەكەنىن ايتقان وڭتۇستىك قازاقستان وبلىستىق پارتيا فيليالى توراعاسىنىڭ ءبىرىنشى ورىنباسارى ب.قىستاۋوۆ اتقارىلعان جۇمىستار جايىن باياندادى.

Abai.kz