بۇگىن وڭتۇستىك قازاقستاندا «نۇر وتان» پارتياسى وبلىستىق فيليالىنىڭ كەزەكتەن تىس ءححىح كونفەرەنتسياسى ءوتتى. وتىرىستا پارتيا توراعاسىنىڭ ءبىرىنشى ورىنباسارى م.ا.قۇل-مۇحاممەد توراعالىق ەتتى.

كونفەرەنتسيا بارىسىندا وقو اكىمى جانسەيىت تۇيمەباەۆ «نۇر وتان» پارتياسى وبلىستىق فيليالىنىڭ توراعاسى بولىپ سايلاندى. 

ال جاڭا توراعا وزىنە جۇكتەلگەن سەنىم ءۇشىن العىسىن ءبىلدىرىپ، مەملەكەتتىك باعدارلامالاردىڭ ورىندالۋى مەن وبلىستىڭ دامۋىنا ۇلەس قوسۋعا دا پارتيا بەلسەندى تۇردە اتسالىساتىنىن جەتكىزدى.

شيرەك عاسىردا ەلىمىزدىڭ  قول جەتكىزگەن جەتىستىگىنىڭ بارشاسىندا حالىقتىق پارتيا – «نۇر وتان» پارتياسىنىڭ ۇلەسى زور ەكەنىن ايتقان وڭتۇستىك قازاقستان وبلىستىق پارتيا فيليالى توراعاسىنىڭ ءبىرىنشى ورىنباسارى ب.قىستاۋوۆ اتقارىلعان جۇمىستار جايىن باياندادى.

ونىڭ ايتۋىنشا، بۇگىنگى تاڭدا «نۇر وتان» پارتياسى وڭتۇستىك قازاقستان وبلىستىق فيليالى «100 ناقتى قادام» ۇلت جوسپارى، «نۇرلى جول» باعدارلاماسى جانە پارتيانىڭ باعدارلامالىق قۇجاتتارىن جۇزەگە اسىرۋ بويىنشا ماقساتتى دا ناتيجەلى جۇمىستار جۇرگىزىپ كەلگەن.

ايتا كەتەيىك، وبلىستىق پارتيا فيليالىنىڭ ەسەبىندە 110903 پارتيا مۇشەسى بار، ولار 328 باستاۋىش پارتيا ۇيىمىنا بىرىكتىرىلگەن. سونداي-اق، ەسەپتى كەزەڭدە جاڭادان 40 باستاۋىش پارتيا ۇيىمى قۇرىلدى. پارتيا قاتارىن لايىقتى ازاماتتارمەن نىعايتۋ ماقساتىندا جۇرگىزىلگەن جۇمىستاردىڭ ناتيجەسىندە ەسەپتى كەزەڭدە پارتيا قاتارىنا جاڭادان 28939 ازامات قابىلدانىپ، وبلىستاعى پارتيا مۇشەلەرىنىڭ سانى 24758-گە ارتتى. ال «جاس وتان» جاستار قاناتىنىڭ وبلىسىمىزدا 11 اۋداندىق، 4 قالالىق بولىمشەسى بولسا، ولاردا جالپى سانى 23 341 مۇشەسى بار.

جيىندا سونداي-اق، ساياسي كەڭەس بيۋروسىنىڭ جاڭا قۇرامى بەكىتىلىپ، بىرقاتار ناقتى مىندەتتەر جۇكتەلدى.

وقو ءاكىمىنىڭ ءباسپاسوز قىزمەتى