اگرارلى ايماق – وڭتۇستىك قازاقستانعا جاساعان جۇمىس ساپارىندا «نۇر وتان» پارتياسى توراعاسىنىڭ ءبىرىنشى ورىنباسارى مۇحتار قۇل-مۇحاممەد ورداباسى اۋدانىنداعى كوكونىس وسىرۋمەن اينالىساتىن ەلىمىزدەگى ەڭ ءىرى جىلىجاي كەشەنى – «ادەليا» جشس-ندا بولىپ، جۇمىسشىلارىمەن كەزدەستى. 

«اگروبيزنەس 2020» باعدارلاماسى بويىنشا ىسكە قوسىلعان بۇل جوبانىڭ ينۆەستيتسيالىق قۇنى 5,3 ملرد. تەڭگەنى قۇرايدى. جالپى اۋماعى 16 گەكتار بولاتىن «ادەليا» جىلىجاي كەشەنى جىلىنا 8,4 مىڭ توننا ءونىم جينايدى. ونىڭ 70 پايىزى قازاقستاندىق نارىققا شىعارىلسا، قالعان 30 پايىزى رەسەيگە ەكسپورتتالۋدا. فرانسۋزدىق «RISHEL» كومپانياسىنىڭ زاماناۋي جابدىقتارىمەن جابدىقتالعان كاسىپورىندا شامامەن 200 ادام تۇراقتى جۇمىسپەن قامتاماسىز ەتىلگەن.

جىلىجاي كەشەنىنىڭ جۇمىسىن ارالاپ كورگەن پارتيا توراعاسىنىڭ ءبىرىنشى ورىنباسارى ەل تاۋەلسىزدىگى جىلدارىندا وڭتۇستىك قازاقستان وبلىسىنىڭ اۋىل شارۋاشىلىعى قارقىندى دامىپ جاتقانىن، بۇگىندە بۇل سالانى ودان ءارى دامىتۋعا مەملەكەتتەن بارلىق قولداۋلاردىڭ جاسالىپ جاتقانىن اتاپ ءوتتى.

«وسىدان 10 جىل بۇرىن مىناداي ەۋروپالىق دەڭگەيدەگى جىلىجايدى ارمانداۋدىڭ ءوزى قيىن بولاتىن. ەندى مىنە، مەملەكەتتىك قولداۋلاردىڭ ارقاسىندا، «اگروبيزنەس - 2020» باعدارلاماسىنىڭ ناتيجەسىندە وسىنداي جەتىستىكتەرگە جەتىپ وتىرمىز. جىلدىڭ ءتورت مەزگىلىنىڭ بارلىعى دەرلىك جىلى ءار قولايلى بولىپ كەلەتىن وڭتۇستىك ءوڭىرىنىڭ مۇنان دا جوعارى مۇمكىندىگى بار ەكەنىن ەسكەرىپ، شاعىن جانە ورتا بيزنەستىڭ ۇلەسى ارتاتىنىنا سەنىمدىمىز»، - دەدى م. قۇل-مۇحاممەد.  

ءوز سوزىندە، پارتيا جەتەكشىسى اگروونەركاسىپ كەشەندەرىنە مەملەكەتتەن جاسالاتىن قولداۋلار جالعاسا بەرەتىنىن ايتتى. الايدا، نەگىزگى نازار جەرگە ۇقىپتى قاراپ، الدىڭعى قاتارلى اۋىل شارۋاشىلىعى قۇرىلعىلارىن پايدالاناتىن شارۋالارعا جاسالاتىنىن جەتكىزدى.

مۇنان سوڭ، جۇمىسشى توپ «وڭتۇستىك» يندۋستريالدى ايماعىندا ورنالاسقان  شىنى بۇيىمدارىن شىعاراتىن «ەۆروكريستالل» زاۋىتىن ارالاپ، جۇمىسشىلارىمەن تىلدەستى. «بيزنەستىڭ جول كارتاسى-2020» باعدارلاماسى ارقىلى ءىسى ورگە باسقان بۇل كاسىپورىندا 200 مل-دەن 3 ليترگە دەيىنگى تاعام ونىمدەرىنە ارنالعان شىنى ىدىستار شىعارىلادى. 254 ادام جۇمىسپەن قامتىلعان كاسىپورىندا جىلىنا 210 ملن. دانا شىنى ىدىستار شىعارۋعا بولادى.

ايتا كەتەيىك، «وڭتۇستىك» يندۋستريالدى ايماعىندا  79 ملرد. تەڭگەنى قۇرايتىن،  6384 ادامدى جۇمىسپەن قامتيتىن 83 جوبا ىسكە اسىرىلۋدا. بۇگىندە مۇندا قۇنى 20,8 ملرد. بولاتىن 42 جوبا پايدالانۋعا بەرىلىپ، 3136 ادام جۇمىسپەن قامتىلىپ وتىر.

وقو اكىمىنىڭ ءباسپاسوز قىزمەتى