№2 اتىراۋ قالالىق سوتىنداماكس بوقاەۆ پەن تالعات ايانوۆتىڭ ءىسى بويىنشا باستى سوت وتىرىسى ودان ءارى جالعاسۋدا. تۇستەن كەيىنگى وتىرىستا اتىراۋ وبلىسى جەر قاتىناستارى باسقارماسىنىڭ باسشىسى ارمان باجەنوۆ پەن اتىراۋ قالاسى ىشكى ساياسات ءبولىمىنىڭ باسشىسى جاناتدوسقاليەۆادانجاۋاپ الىندى.

بۇگىنگى وتىرىسقا سوتتالۋشىلار م.بوقاەۆ پەن ت.ايانوۆ قاتىستى، ال ولاردىڭ قورعاۋشىلارى وتىرىستا ادەتتەگىدەي وتىنىشتەر جاۋدىرىپ، كۋاگەرلەرگە قويعان ءبىر سۇراقتى مىڭ قايتالاۋمەن بولدى.

ال كۋاگەر ا.باجەنوۆ 24 ساۋىردە بولعان ميتينگ تۋرالى اڭگىمەلەپ بەردى. ول ميتينگتە حالىقتىڭ جينالعانىن جانە اكىمدىك تاراپىنان ءتۇسىندىرۋ جۇمىسىنىڭ جۇرگىزىلگەنىن ايتتى.

«ميتينگ سوڭىندا م.بوقاەۆ ميكروفونمەن ۇكىمەتكە 21 مامىرعا دەيىن ءتيىستى جاۋاپ بەرۋگە ۋاقىت بەرەتىندىگىن، ەگەر جاۋاپ تۇسپەسە، وسى الاڭدا تاعى دا جينالۋ كەرەكتىگىن جينالعان جۇرتقا جەتكىزدى»،  - دەدى ا.باجەنوۆ.

سونداي-اق، وتىرىستا اتىراۋ قالاسى ىشكى ساياسات ءبولىمىنىڭ بۇرىنعى باسشىسى جانات دوسقاليەۆاكۋالىك ەتتى. ول دا كۋاگەر رەتىندە قاتىسقان اكىمدىك قىزمەتكەرلەرى سياقتى ت.ايانوۆتىڭ جينالىسقا قاتىسىپ، ەسكەرتىلگەنىن راستادى.

بۇگىن سونداي-اق، اتىراۋ قالاسىنىڭ بۇرىنعى اكىمى نۇرلىبەك وجاەۆتان تا جاۋاپ الىنعان بولاتىن. ول ەسكەرتكىش ورنالاسقان الاڭدار ميتينگ ءۇشىن رۇقسات ەتىلگەن جەرلەردىڭ قاتارىنا ەشقاشان ەنبەگەنىن ايتتى.

«سەبەبى بۇنداي الاڭداردىڭ تاربيەلىك ءمانى زور، ولار حالقىمىز ءۇشىن قاسيەتتى، كيەلى سانالادى. قالادا يساتاي-ماحامبەت الاڭىنان وزگە قۇرمانعازىالاڭى، سوعىستان قايتپاعان ساربازدارعا ارنالعان ماڭگىلىك الاۋ الاڭدارى دا بار. سونداي، ەسكەرتكىشتەر تۇرعان الاڭداردا ميتينگ وتكىزۋگە رۇقسات ەتىلمەيدى»، - دەدى ن.وجاەۆ.

ەسكە سالا كەتسەك،م.بوقاەۆ پەن ت.ايانوۆقا قر قىلمىستىق كودەكسىنىڭ ءۇش بابى بويىنشا ايىپتار تاعىلۋدا. اتاپ ايتساق، ولار: 174 باپتىڭ 2 تارماعى، ياعني، الەۋمەتتىك جانە ۇلتتىق الاۋىزدىق تۋعىزۋعا باعىتتالعان قاساقانا ءىس-ارەكەتتەر جاساۋ، ازاماتتاردىڭ ۇلتتىق نامىسى مەن قادىر-قاسيەتىنە ءتىل تيگىزۋ; 274 باپتىڭ 4 تارماعى، ياعني، قوعامدىق ءتارتىپتى بۇزۋعا قاۋىپ توندىرەتىن كوپە-كورىنەۋ جالعان اقپارات تاراتۋ; 400 باپ، ياعني، زاڭسىز شەرۋلەردى ۇيىمداستىرۋ، وتكىزۋ جانە وعان قاتىسۋ.

Abai.kz