قىرعىز پيانينوشىسى ازامات سىدىقوۆ اقش-تاعى جەكە كونتسەرتىن قىرعىزستاننىڭ الا-بءوكەن اۋدانىندا باپتيستىك-حريستياندىق ءدىني سەنىمىنە بايلانىستى ءۇش مءارتە قايتا جەرلەنگەن ءايەلگە ارنادى. بۇل تۋرالى سازگەر Facebook'تەگى پاراقشاسىندا جازدى.

ء"بىزدىڭ ەركىندىگىمىز بەن قاراپايىم قۇقىقتارىمىز جابايلىق پەن تۇرپايىلىقتىڭ قۇرساۋىندا قالدى، ال كونستيتۋتسيادا ءدىن ەركىندىگى مەن قۇقىعى تۋرالى انىق جازىلعان. كانىگۇل ساتىبالديەۆا توڭىرەگىندەگى جاعداي حريستيان ءدىنىن قابىلداعان باسقا دا قىرعىزدارعا قاۋىپ ءتونىپ تۇرعانىن كورسەتتى. بۇل جاعداي قىرعىزستاننىڭ حالىقارالىق ارەناداعى بەدەلىنە نۇقسان كەلتىرەدى", - دەپ جازدى ول.

سىدىقوۆتىڭ جەكە كونتسەرتى سولتۇستىك كارولينا شتاتىنىڭ كلەيتون فورتەپيانو فەستيۆالى اياسىندا 23 قازان كۇنى The Historic Wagner House زالىندا ءوتتى.

14 قازاندا جەرگىلىكتى تۇرعىندار مەن يمامدار كانىگۇل ساتىبالديەۆانى مۇسىلمان زيراتىنا جەرلەۋگە رۇقسات بەرمەي قويدى. جانجالدان سوڭ ونى ورۋكتۋ اۋىلىنا قاراستى زيراتقا جەرلەگەن. بىراق ول اۋىلدىق تۇرعىندارى دا نارازىلىق بىلدىرگەن سوڭ، مۇردەنى قازىپ الۋعا تۋرالى كەلگەن. ونى سول اۋدانداعى حريستيان زيراتىنا جەرلەگەن. بىراق مۇردەنى ول جەردەن دە قازىپ الىپ، باسقا ءبىر جەرگە جەرلەۋگە تۋرا كەلدى.

Abai.kz