CNN تەلەارناسىنىڭ حابارلاۋىنشا، امەريكالىق The Jester ("قىلجاقباس") اتتى حاكەر رەسەيلىك سىرتقى ىستەر مەكەمەسىنىڭ سايتىن بۇزىپ كىرىپ، اقش-قا كيبەر-شابۋىلدارىن دوعارۋ تالابى تۋرالى حابارلاما تاستاپ كەتتى. "بالكىم، سىزدەر كورشى ەلدەرگە سەك كورسەتە الاتىن شىعارسىزدار، بىراق امەريكانى قورقىتا المايسىزدار. مۇندا بۇل ارەكەتپەن ەشكىمدى تاڭقالدىرمايسىز", – دەلىنگەن بۇل حابارلامادا.

CNN مالىمەتى بويىنشا، حاكەر ءىرى امەريكالىق سايتتار مەن سەرۆيستەر، اتاپ ايتقاندا - Twitter, PayPal, Amazon, Spotify, Ebay, Netflix جانە Vox-قا جاسالعان كيبەرشابۋىلدارعا قارسى جاۋاپ بەرگەن. فبق جانە اقش-تىڭ ۇلتتىق قاۋىپسىزدىك مينيسترلىگى تەرگەۋ جۇرگىزىپ جاتىر.

قازان ايىنىڭ باسىندا قۇراما شتاتتار بيلىگى رەسەيدى امەريكالىق سايلاۋ ناۋقانىنا ارالاسۋ ماقساتىمەن جاسالعان حاكەرلىك شابۋىلداردى ۇيىمداستىردى دەپ ايىپتادى. ماسكەۋ بۇل ايىپتاۋلاردى جوققا شىعارىپ وتىر. كەيىنىرەك اقش-تىڭ ورتالىق بارلاۋ باسقارماسى رەسەيلىك كيبەروپەراتسياعا جاۋاپ دايىنداپ جاتقانى بەلگىلى بولدى.

اباي-اقپارات