ارىس قالاسىنىڭ اكىمى م.قادىربەكتىڭ قازاقستان رەسپۋبليكاسى تاۋەلسىزدىگىنىڭ 25 جىلدىعىنا بەكىتكەن ءىس-شارا جوسپارىنا سايكەس بۇگىن، ارىس قالاسىنىڭ «جاستار رەسۋرستىق ورتالىعى» كمم جانە «كاسىپكەرلىك ءبولىمى» مم-ءنىڭ ۇيىمداستىرۋىمەن قالامىزداعى «اقنيەت»، «باق-نۇر»، «جۇلدىز»، ء«تاتتى ەرتەگى» ساۋدا ورتالىقتارى مەن «تايما»، «Europharma» ءدارىحانالارىندا وتاندىق ونىمدەرگە ارنالعان سورەلەرگە «قازاقستاندا جاسالعان» افيشالارى ءىلىنىپ، ەلىمىزدە شىعارىلاتىن تاۋارلار ورنالاستىرىلدى. بۇل تۋرالى «Abai.kz» پورتالى قالا اكىمىنىڭ رەسمي ينتەرنەت رەسۋرسىنا سىلتەمە جاساي وتىرىپ حابارلايدى.

وتاندىق ءونىم وندىرەتىن كاسىپورىنداردى قولداۋ ماقساتىندا ۇيىمداستىرىلعان شارادا ءوز ونىمىمىزگە تۇرعىندار دا قولداۋ بىلدىرۋدە.  قازاقستاندا وندىرىلگەن ازىق-تۇلىكتەر مەن تۇرمىستىق زاتتاردى ساتىپ الىپ، بەلسەندىلىك تانىتۋدا.

وتاندىق تاۋارلاردىڭ باسەكەلەستەردەن ارتىقشىلىعى ونىڭ باعاسىندا عانا ەمەس ساپاسىندا. تىكەلەي وندىرۋشىلەردەن  تاۋارلار تۇتىنۋشىلارعا مەرزىمىندە جەتكىزىلەدى. ساۋدا ورتالىقتارىندا «قازاقستاندا جاسالعان» دەگەن بەلگىمەن جۇمىرتقا، تاۋىق ەتى، ەت، ءسۇت ونىمدەرى، ءار ءتۇرلى شىرىندار مەن گازدى سۋسىندار، كونديتەرلىك ونىمدەردە كەڭ سۇرانىسقا يە بولۋدا.

مەملەكەت تاراپىنان جاسالىپ وتىرعان مۇنداي قولداۋ الداعى ۋاقىتتا باسەكەگە قابىلەتتى وتاندىق وندىرۋشىلەردىڭ الەمدىك ەكونوميكاداعى جاڭاشا قادامدارىن ايشىقتاي تۇسەدى.

«قازاقستاندا جاسالعان» اكتسياسىن ناسيحاتتاۋ شارالارى الداعى ۋاقىتتا دا جالعاسىن تاباتىن بولادى.

Abai.kz