كەشە «Financial Times» باسىلىمى اقش پرەزيدەنتتىگىنەن ۇمىتكەر دونالد ترامپتىڭ  الماتىنىڭ ەكس-اكىمى، بۇگىندە حالىقارالىق ىزدەۋدە جۇرەگن ۆيكتور حراپۋنوۆپەن  بايلانىسىن اشكەرەلەگەن ماتەريال جاريالادى. «Abai.kz» پورتالى اتالعان ماقالانىڭ اۋدارماسىن نازارلارىڭىزعا ۇسىنادى.

«ارام اقشا: ترامپ جانە قازاق بايلانىستارى» (Dirty money: Trump and the Kazakh connection) اتتى ماقالادا اۆتور توم بۋرگيس (Tom Burgis) ميللياردەر دونالد ترامپتىڭ  قازاقستاندىق كاسىپكەر ءام ەكس-اكىم ۆيكتور حراپۋنوۆ وتباسىمەن بايلانىسى بولعانىن راستايتىن جازبالار مەن  بانك قۇجاتتارىن دەرەك رەتىندە كەلتىرگەن.

«قازاقستاندىق بيزنەسمەننىڭ وتباسى جۇزدەگەن ميلليون دوللارعا (ۇرلانعان قاراجاتتار) مانحەتتاننان دونالد ترامپقا تيەسىلى ءزاۋلىم عيماراتتى ساتىپ العان جانە ءىرى كوممەرتسيالىق كەلىسىمدەرگە وتىرىپ، قارجى ماگناتىنىڭ سەرىكتەستەرىنىڭ بىرىنە اينالعان» (Title deeds, bank records and correspondence show that a Kazakh family accused of laundering hundreds of millions of stolen dollars bought luxury apartments in a Manhattan tower part-owned by Mr Trump and embarked on major business ventures with one of the tycoon’s partners),-دەپ جازادى Financial Times.

قارجىلىق الاياقتىققا قارسى كۇرەس دەپارتامەنتىنىڭ ديرەكتورى (اقش) دجەننيفەر شاسكي كالۆەري (Jennifer Shasky Calvery) جەمقور شەنەۋنىكتەر مەن ترانسۇلتتىق قىلمىسكەرلەر ۇرلاعان اقشالارىن اقش-تىڭ جىلجىمايتىن مۇلىك نارىعى ارقىلى اينالىمدا ۇستاپ وتىرعانىن ايتقان.

Financial Times دەرەكتەرىنە سۇيەنەتىن بولساق، قاشقىنداعى ەكس-اكىم ۆيكتور حراپۋنوۆ ءدال وسىنداي جولمەن دونالد ترامپ كومپانياسى ارقىلى قازاقستاننان جىمقىرىپ كەتكەن قارجىنى اينالىمدا ۇستاپ وتىرعان. توم بۋرگيستىڭ زەرتتەۋىندە، حراپۋنوۆتىڭ قارجىلاندىرىپ وتىرعان كومپانيالارى: «سوحو3310, سوحو3311 جانە سوحو3203» ەكەندىگىن جازادى.

«الماتىلىق قورعاۋشىلار حراپۋنوۆتىڭ ءۇش كومپانياسى بارىن، ول سوحو3310, سوحو3311 جانە سوحو3203 ارقىلى قارجىسىن اينالدىرىپ وتىرعانىن ايتادى. بۇل كومپانيالاردىڭ بارلىعى جاۋاپكەرشىلىگى شەكتەۋلى سەرىكتەستىكتەر رەتىندە تىركەلگەن. ياعني، مەنشىك يەسىن جاسىرىپ قويۋعا بولادى»، (Among the dozens of companies the Almaty lawyers say the Khrapunov laundering network used were three called Soho 3310, Soho 3311 and Soho 3203. Each was a limited liability company, meaning their ownership could easily be concealed),-دەپ جازادى، توم بۋرگيس.

سونداي-اق، اتالعان كومپانيالاردىڭ بارلىعى دەرلىك 2013 جىلى نيۋ-يورك قالاسىندا قۇرىلعان ەكەن. ال كومپانيا قۇرىلعاننان تۇپ-تۋرا ءبىر اپتا وتكەندە حراپۋنوۆ وتباسى مانحەتتانداعى «ترامپ سوحو» دەپ اتالاتىن سارايدىڭ قۇنى رەتىندە 3,1 ميلليون تەڭگە تولەگەن.  (The companies were created in April 2013 in New York. A week later, property records show, they paid a total of $3.1m to buy the apartments that corresponded with their names in the Trump Soho, a 46-storey luxury hotel-condominium completed in 2010 in a chic corner of Manhattan).

سونىمەن قاتار، Financial Times-ءتىڭ جازۋىنشا سوحو كومپانيالارى ۆيكتور حراپۋنوۆتىڭ قىزى ەلۆيرا كۋدرياشوۆا مەن ۇلى ءىلياس حراپۋنوۆتىڭ اتىنا تىركەلگەن. قاشقىندا جۇرگەن حراپۋنوۆ وسىلايشا ۇپتەپ كەتكەن قاراجاتتى بالالارى ارقىلى اينالىمعا ەنگىزگەن.

باستاپقىدا تراپم بەنەفيتسيار بولماعانىمەن، ءدال وسى دونالد ترامپتىڭ قاراماعىنداعى «بايروك/ساپير ورگانيزايشن» جشس حراپۋنوۆتاردىڭ زاڭسىز جولمەن ءۇي الۋىنا جانە ترامپ كومپانياسىنا ينۆەستور بولۋىنا كومەكتەسكەن.

اقش پرەزيدەنتتىگىنە باستى ۇمىتكەرلەردىڭ ءبىرى دونالد ترامپتىڭ قۇقىق قورعاۋشىسى الان گارتەن ء«بىز ولاردىڭ كىم (حراپۋنوۆ وتباسى) ەكەندەرىن بىلمەيمىن جانە ەشقانداي كەلىسىم جاساسقان جوقپىز»  ,-دەيدى.

ال باسىلىم ءوز كەزەگىندە د. ترامپ قىزمەتكەرلەرىنىڭ حراپۋنوۆپەن بايلانىسى تۋرالى مىناداي دەرەك كەلتىرگەن:

ترامپتىڭ ەكى سەرىكتەسى ۆ. حراپۋنوۆتىڭ كومپانياسىنا اۋىسىپ كەتكەن. دانيەل ريدلوف 2010 جىلعا دەيىن،  بەس جىل دونال ترامپتىڭ «بايروك» كومپانياسىندا قىزمەت ىستەگەن. كەيىن ترامپ قورىندا قارجىگەر بولعان.  ەكىنشىسى، فەليكس ساتەر (شىققان تەگى ورىس) دونالد ترامپتىڭ اعا كەڭەسشىسى. وسى ەكى سەنىمدى وكىل  ەلميرا كۋدرياشەۆامەن تىعىز بايلانىستا بولعان.

وسىلايشا قازاقستاننان قاشىپ، حالىقارالىق ىزدەۋدە جۇرگەن ۆيكتور حراپۋنوۆتىڭ اقش پرەزيدەنتىنە ۇمىتكەر دونالد ترامپ كومپانيالارىنىڭ ينۆەستورى رەتىندە شالقىپ ءومىر ءسۇرىپ جاتقانى ءمالىم بولدى. قازاقستاننىڭ قۇزىرلى ورگاندارى يتتەي بولىپ  ىزدەپ جۇرگەن حراپۋنوۆ ايدا ەمەس، اسپاندا دا ەمەس اقش-تا جۇرگەن كورىنەدى. ال ونىڭ ۇپتەپ كەتكەن ۇلكەن سوماسىنان ۇلەس الىپ وتىرعان اقش پرەزيدەنتتىگىنە باستى ۇمىتكەر - دونالد ترامپ بولىپ شىقتى.

نۇرگەلدى ابدىعانيۇلىنىڭ اۋدارماسى

Abai.kz