بۇل تۋرالى وقو ايماقتىق كوممۋنيكاتسيالار قىزمەتىندە وتكەن بريفينگتە تاۋەلسىزدىك جەتىستىكتەرىن بايانداعان سوزاق اۋدانىنىڭ اكىمى م.يساەۆ مالىمدەدى.

ونىڭ ايتۋىنشا،  تاۋەلسىزدىك العان 1991 جىلى  اۋداندا حالىق سانى 45 مىڭ 400 ادامدى قۇراسا، بۇگىندە بۇل 61 مىڭ 337 ادامعا جەتىپ، 16 مىڭعا وسكەن. ال وسى جىلدار ىشىندە اۋداننىڭ جالپى وڭىرلىك ءونىمى 1,5 ملرد-دان 214 ملرد. تەڭگەگە جەتىپ،139 ەسەگە وسكەن.

«تاۋەلسىزدىگىمىزدى العان 25 جىلدا ەلىمىز ەلباسىنىڭ سارابدال ساياساتىنىڭ ارقاسىندا وركەندەپ، كوركەيدى. سونىڭ ىشىندە سوزاق اۋدانىندا دا 25 جىلدا اتقارىلعان اۋقىمدى جۇمىستار كوپ. وسى جۇيەلى جۇمىستاردىڭ ارقاسىندا اۋدانعا شيرەك عاسىردا 23 ملرد. 642 ملن. تەڭگەگە جەتىپ، 576 ەسەگە وسكەن. سونىمەن قاتار، ونەركاسىپ ءونىمىنىڭ كولەمى 1995 جىلى 708,1 ملن تەڭگە بولسا، 2016 جىلى 200,4 ملرد. تەڭگەگە جەتىپ، 283 ەسەگە وسكەن»،-دەدى اۋدان اكىمى.

بريفينگتە ءمالىم بولعانداي بۇگىندە اۋدان كولەمىندە قۇرىلىستىق، وندىرىستىك جانە تاۋ كەن وندىرىسىندە قىزمەت كورسەتۋ باعىتىنداعى بىرقاتار ءىرى كاسىپورىندار جۇمىس اتقارىپ كەلەدى. جوعارىدا اتالعان ونەركاسىپتىك كاسىپورىنداردىڭ جىگەرلى جۇمىستارىنىڭ ارقاسىندا ونەركاسىپ ءونىم كولەمى ارتىپ كەلەدى.

سونىمەن قاتار، اۋدان ونەركاسىبى تەك عانا ۋران ءوندىرۋشى كاسىپورىندارىنا تاۋەلدى بولىپ قالماۋ ماقساتىندا ۇدەمەلى يندۋستريالىق-يننوۆاتسيالىق دامىتۋ باعدارلاماسىن جۇزەگە اسىرۋ ءۇشىن اۋداننىڭ يندۋستريالدى ايماعى قۇرىلدى. يا جالپى قۇنى 866,6 ملن. تەڭگەنى قۇرايتىن 4 جوبا ىسكا قوسىلسا، الداعى ۋاقىتتا جالپى قۇنى 5 550 ملن. تەڭگەنى قۇرايتىن 1 جوبانى ىسكە قوسۋ جوسپارلانۋدا. بۇدان بولەك اۋداننىڭ يندۋستريالاندىرۋ كارتاسى اياسىندا جالپى قۇنى 18 583 ملن. تگ. قۇرايتىن 2 جوبانى جۇزەگە اسپاق.

Abai.kz