وڭتۇستىك قازاقستان وبلىسىندا ونەركاسىپ ءونىمىنىڭ كولەمى العاشقى ءۇش توقساننىڭ قورىتىندىسى بويىنشا 4,9 پايىزعا ارتىپ، تەڭگەگە شاققاندا 574,2 ميللياردقا جەتتى. ءونىم كولەمىنىڭ ءوسۋى نەگىزىنەن تاماق (104,5 پايىز), مۇناي وڭدەۋ (117,5 پايىز), فارماتسەۆتيكا (127,3 پايىز), مەتالل ەمەس مينەرالدى ونىمدەر (115,4 پايىز), مەتاللۋرگيا ءوندىرىسى (107,4 پايىز) ەسەبىنەن ورىن الىپ وتىر. بۇل - جۇيەلى اتقارىلىپ جاتقان جۇمىستاردىڭ ناتيجەسىندە ءوڭىردىڭ الەۋمەتتىك-ەكونوميكالىق كورسەتكىشىنىڭ ايتارلدىقتاي جوعارىلاعانىن كورسەتەدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.   

اگرووڭىر ەسەپتەلەتىن وبلىستا وسى سالادا وندىرىلگەن ءونىمنىڭ جالپى كولەمى 319,6 ملرد. تەڭگەنى قۇراسا، ونىڭ ىشىندە مال شارۋاشىلىعىندا 150,3 ملرد.، ەگىن شارۋاشىلىعىندا 168,6 ملرد. تەڭگەنىڭ ءونىمى ءوندىرىلدى. سونىمەن قاتار، ايتىلىپ وتىرعان مەرزىم ىشىندە قۇرىلىس جۇمىستارىنىڭ كولەمى 125,3 ملرد. تەڭگەنى قۇراپ،  385,2 مىڭ شارشى مەتر تۇرعىن ءۇي پايدالانۋعا بەرىلگەن. بۇل وتكەن جىلدىڭ سايكەس كەزەڭىمەن سالىستىرعاندا 10 پايىزعا ارتتى. ال 9 ايدا نەگىزگى قورعا 240,8 ملرد. تەڭگە ينۆەستيتسيا باعىتتالدى. 

ايرىقشا اتاپ وتەر جايت، وبلىستا 2016-2020 جىلدارعا ارنالعان دامۋ باعدارلاماسى قابىلداندى. ايقىندالعان 83 ينديكاتورلاردىڭ ىشىندە 11-ءى بيىلعى جىلدان باستاپ، العاش رەت قازاقستان رەسپۋبليكاسى پرەمەر-ءمينيسترى مەن وبلىس اكىمى اراسىندا تۇزىلگەن مەموراندۋمنىڭ ينديكاتورلارى بولىپ تابىلادى. جىل سوڭىنا دەيىن بەلگىلەنگەن ينديكاتورلارعا قول جەتكىزىلەتىن بولادى.

Abai.kz