قۇنانبايدى وزبىر فەودال، قاتىگەز بيلەۋشى دەپ ءبىلىپ كەلدىك. ال، قازاق تاريحىنداعى بۇل كورنەكتى تۇلعانىڭ ءدىن بىلگىرى، مەككەدەن كەلگەن سوڭ دۇنيە ىسىنەن باس تارتقان ۇلگىلى ءمۇمىن بولعاندىعىن ءبىز كوپ جاعدايدا ۇمىتىپ كەتە بەرەمىز.

كوركەمدىك شىندىقتان تاريحي شىندىقتى اجىراتاتىن كەزدەر بولادى. ناعىز قۇنانبايدى تانۋ ارقىلى ءبىز تۇعىرى شايقالعان زاماننىڭ بەت-بەينەسىن تانىر ەدىك، رەسەيدىڭ وتارلاۋ ساياساتىنىڭ ءادىس-تاسىلدەرىن ۇعار ەدىك جانە سوعان قارسى كۇرەسىپ، ەلدى ساقتاپ قالۋعا بارىن سالعان وسىنداي تۇلعالاردىڭ قايراتكەرلىگىنەن ءتالىم الار ەدىك. قۇنانباي قازاقتىڭ باسىنان باق تايعان داۋىردە عۇمىر كەشكەن تراگەديالىق تۇلعا. سول سەبەپتەن دە ونىڭ تاعدىرى مەن قىزمەتىنە بىرجاقتى قاراۋعا بولمايدى. ول اباي اتتى ۇلى داريانىڭ اسقار شىڭداعى مۇزدى باستاۋى. سونىسىمەن دە قۇنانباي قازاقتىڭ اياۋلىسى، بۇكىل قازاقتىڭ قامقورى سياقتى كورىنەدى بىزگە.

اقبەرەن ەلگەزەك

Facebook-تەگى پاراقشاسىنان