بۇۇ يەمەندە ءبىتىم مەرزىمىن جاريالادى
بۇۇ-نىڭ يەمەندەگى ارنايى وكىلىنىڭ ايتۋىنشا، بۇل ەلدە 72 ساعاتتىق ءبىتىم مەرزىمى جاريالاندى. ءبىتىمدى جاۋلاسۋشى تاراپتاردىڭ بارلىعى قولدادى. يسمال ۋلد شەيحتىڭ مالىمدەۋىنشە، وق اتپاۋ جۇيەسى 18 قازاندا تۇندە كۇشىنە ەنەدى جانە سول ۋاقىتتا جانجال اۋماعىنا گۋمانيتارلىق جۇك جەتكىزۋگە بولادى.
يەمەن بيلىگى ءبىتىم مەرزىمى ۇزارتىلۋى مۇمكىن ەكەندىگىن ايتىپ وتىر.
پرەزيدەنت ابد-راببو مانسۇر حادي باستاعان قۋدالاۋداعى ۇكىمەت تايز قالاسىنا گۋمانيتارلىق كومەك سۇرادى. بۇل قالا بۇلىكشى حۋسيتتەردىڭ قورشاۋىندا قالدى. ولار 2014 جىلى يەمەن استاناسىن دا باسىپ العان ەدى. ۇكىمەت كۇشتەرى تايز قالاسىنا باراتىن ءتورت جولدىڭ بىرەۋىن عانا باقىلاپ وتىر. بۇرىنعى پرەزيدەنت ءالي ابداللا سالەحتىڭ جاقاۋشىلارى - حۋسيتتەرگە يران قولداۋ كورسەتىپ كەلەدى. ولار سولتۇستىكتە ەلدىڭ جارىم بولىگىنە بيلىك جۇرگىزىپ وتىر.
ساۋد ارابياسىنىڭ كومەگىنە سۇيەنگەن حادي كۇشتەرى جەرگىلىكتى تايپالارمەن بىرگە يەمەننىڭ قالعان بولىگىنە باقىلاۋ ورناتتى. بۇۇ مالىمەتى بويىنشا، جانجال كەزىندە 10 مىڭعا جۋىق ادام قايتىس بولدى، سولاردىڭ 3800-ءى - بەيبىت تۇرعىندار.
Abai.kz
