ءوڭىر باسشىسى جانسەيىت تۇيمەباەۆ شىمكەنتتەگى ونەركاسىپ جانە اگروەنەركاسىپ كاسىپورىندارىن ارالادى. ەڭ الدىمەن، ايماق باسشىسى قالاداعى وبلىستىق كاسىپكەرلەرگە قىزمەت كورسەتۋ ورتالىعىندا بولىپ، مەكەمەنىڭ تىنىس-تىرشىلىگىمەن تانىستى.  ورتالىقتىڭ  كومەگىمەن بۇل كۇنگە دەيىن 108 مىڭعا جۋىق كاسىپكەر كەڭەس الىپ، 27 مىڭنان استام ازامات كاسىپكەرلىك مەكتەبىن تامامداعان. ال قارجىلاندىرىلاتىن جوبالار 4 مىڭعا جۋىقتايدى. 

كەزدەسۋ بارىسىندا وبلىس əكىمى كəسىپكەرلەر ءۇشىن əكىمشىلىك كەدەرگىلەردى جويۋ ءۇشىن ناقتى ءىس شارا جوسپارىن جاساپ  ەرەكشە قولعا الۋ كەرەكتىگىن تاپسىردى.

جۇمىس ساپارى كەزىندە جانسەيىت قانسەيىتۇلى جالپى اۋماعى 89 گا بولاتىن «تاسساي» يندۋستريالدى ايماعىندا بولىپ، جۇمىسىن كوردى. بولاشاقتا مۇندا 23 زاۋىت جۇمىس ىستەيتىن بولادى.

ايتا كەتۋ كەرەك اتالعان اۋماق قازاقستانداعى ەڭ ۇلگىلى يندۋستريالدى ايماققا اينالۋعا قاۋقارى بار.  سەبەبى مۇندا كاسىپكەرلەردەن 100% ينۆەستيتسيا تارتىلعان. فارماتسەۆتيكا، ماشينا جاساۋ جانە جيھاز يندۋسترياسى سەكىلدى سالالاردىڭ كلاستەرلىك دامۋىنا باعىتتالعان ايماقتى ارالاعان وبلىس اكىمى كاسىپكەرلەردىڭ ماسەلەلەرىنە قانىعىپ، ونى شەشۋ جولدارىن تالقىلاۋ جونىندە جينالىس ۇيىمداستىرۋدى تاپسىردى. سونىمەن قاتار ساپالى ينفراقۇرىلىم تارتۋدى جۇكتەدى.  

مۇنان بولەك، ج.تۇيمەباەۆ قالاداعى سۋ سورعىلارىن شىعاراتىن «Karlskrona LC AB» جشس مەن «Azala textile» توقىما كەشەنىندە بولدى. جىلىنا 6500 دانا تيەگىش سورعى مەن ديستىك اينالما بەكىتپەلەر شىعارۋعا مۇمكىندىگى بار «Karlskrona LC AB» جشس-ءنىڭ اۆتوماتتاندىرۋ دەڭگەيى جوعارى بولۋىنىڭ ەسەبىنەن 40 ادام جۇمىسپەن قامتىلعان.

ال «Azala textile» توقىما كەشەنى جىلىنا 2 824 توننا ءيىرىم ءجىپ، 13 ملن. پوگوندى مەتر ماتا، 2 ملن. توسەك جابدىعىنىڭ جيىنتىعى جانە 7 ملن. دانا تۇكتى تىگىن بۇيىمدارىن وندىرۋگە قاۋقارلى. ايتا كەتۋ كەرەك، توقىما فابريكاسى سىندى ونەركاسىپ ورنى ەلىمىزدە ازىرگە، جالعىز.

ءوز سالاسىندا بىرەگەي كəسىپورىندى ارالاۋ بارىسىندا ءوڭىر باسشىسى مەملەكەتتىك وتاندىق ونىمگە مەملەكەتتىك  تاپسىرىستى كۇشەيتۋگە ناقتى جۇمىس جوسپارىن ءتۇزۋدى تاپسىردى.

وقو اكىمىنىڭ ءباسپاسوز قىزمەتى