بۇگىن استانا قالاسىنداعى «جاستار» سارايىندا قازاقستان رەسپۋبليكاسى تاۋەلسىزدىگىنىڭ 25 جىلدىعىنا وراي استانا قالاسىنداعى  «قۋاتتى ءوڭىر – قۋاتتى قازاقستان» اتتى وڭتۇستىك قازاقستان وبلىسى كۇندەرىنىڭ اياسىندا  جايدارمان ويىنى ءوتتى.

جاستاردىڭ بويىنا رۋحاني ادامگەرشىلىك قاسيەتتەردى ۇيالاتاتىن، شىعارماشىلىق قابىلەتتەرى مەن ونەرگە دەگەن قۇشتارلىعىن ارتتىراتىن شارادا قوناقتار مەن كورەرمەندەرگە وڭتۇستىك قازاقستان وبلىسىنان كەلگەن ۇزدىك 8 توپ ءوز ونەرلەرىن كورەرمەن نازارىنا ۇسىندى.

اتالمىش شاراعا ارنايى شاقىرىلعان قوناقتار، قازاقستان رەسپۋبليكاسى ءبىلىم جانە عىلىم مينيستىرلىگىنىڭ جاستار ساياساتى دەپارتامەنتىنىڭ  وكىلدەرى جانە استانا قالاسىنىڭ تۇرعىندارى مەن جوعارى جانە ورتا ارناۋلى وقۋ ورىندارىنان 1 مىڭعا جۋىق ستۋدەنت جاستار جانە بۇقارالىق اقپارات قۇرالدارىنىڭ وكىلدەرى قاتىستى.

ايتا كەتەيىك، جالپى قازاقشا كۆن-ءنىڭ ارنايى بىرىنشىلىگى 1999 جىلى وڭتۇستىكتەن ءوز باستاۋىن العان. ال «قازاقستان كۆن وداعى» 2005 جىلى قۇرىلعان بولاتىن.

وڭتۇستىك قازاقستان وبلىسىندا 14 پەن 29 جاس ارالىعىندا 800-گە جۋىق جاس بار.  ال وبلىستاعى 12 جوعارى جانە 92 ورتا ارناۋلى وقۋ ورىندارىندا 66 513 ستۋدەنت ءبىلىم الۋدا.

قازاقشا جايدارمان اتالعان وقۋ ورىندارىنداعى  بەلسەندى، تالانتتى جاستار ەلوردا تۇرعىندارىنا كوتەرىڭكى كوڭىل كۇي مەن جاراسىمدى ء ازىل سىيلادى.  

وقو اكىمىنىڭ ءباسپاسوز قىزمەتى