وڭتۇستىك قازاقستان وبلىسىنىڭ ەلورداسى – استاناداعى كۇندەرى اياسىندا وبلىستىق ونەركاسىپ وندىرۋشىلەردىڭ كورمەسى  ءوتتى.

كورمەدە وڭىردەگى جەڭىل ونەركاسىپ، ماشينا جاساۋ، فارماتسەۆتيكا، تاماق ونەركاسىبى، قۇرىلىس زاتتارى سالالارىنىڭ 30-دان استام كاسىپورىندارىنىڭ وتاندىق ونىمدەرى قويىلدى.

اتالعان شاراعا  وڭتۇستىك قازاقستان وبلىسىنىڭ اكىمى جانسەيىت تۇيمەباەۆ قاتىسىپ، كورمەگە قويىلعان ونىمدەردى قالا əكىمى مەن مəرتەبى مەيماندارعا تانىستىردى. سونداي-اق، ول بۇگىندە وتاندىق تاۋار وندىرۋشىلەرگە مەملەكەت تاراپىنان كوپتەگەن قولداۋلار كورسەتىلىپ جاتقانىن ايتىپ، بارشا كورمەگە قاتىسۋشىلاردى قازاقستاندىق تاۋاردى تۇتىنۋعا شاقىردى.

مۇندا استانا قالاسىنىڭ تۇرعىندارى مەن قوناقتارىنا كىلەم ونىمدەرى، شۇلىق جانە ۇيگە ارنالعان توقىما بۇيىمدارى، ەرلەر كوستيۋمدەرى،  ترانسفورماتورلار، سورعىلار، دارىلىك زاتتار مەن مەديتسينالىق ماقساتتاعى بۇيىمدار، مەديتسينالىق قۇرىلعىلار، قۇرىلىس زاتتارى، جيھاز، ازىق-تۇلىك ونىمدەرى ۇسىنىلۋدا.

سونداي-اق، «قازاقستاندا جاسالعان» اكتسيا اياسىندا ءوتىپ جاتقان كورمەدە وقو تۋريستىك وبەكتىلەرىنىڭ سۋرەت كورمەسى جانە LED ەكراندا وبلىستىڭ ينۆەستيتسيالىق تارتىمدىلىعى بويىنشا بەينە روليك پەن وبلىستىق ونەركاسىپتىك كاسىپورىندارى تۋرالى فيلمدەر كورسەتىلدى.

وڭتۇستىك قازاقستان وبلىسىنىڭ ونەركاسىپ كاسىپورىندارى جىل باسىنان بەرى 515,4 ملرد. تەڭگەنىڭ ءونىمىن ءوندىردى. بۇل وتكەن جىلعىنىڭ ءتيىستى كەزەڭىمەن سالىستىرعاندا  109,6 ملرد. تەڭگەگە ارتىق. 

وقو اكىمىنىڭ ءباسپاسوز قىزمەتى