وڭتۇستىك قازاقستان وبلىسىنىڭ ەلورداسى – استاناداعى كۇندەرى اياسىندا وبلىستىق ونەركاسىپ وندىرۋشىلەردىڭ كورمەسى مەن اۋىل شارۋاشىلىعى ونىمدەرىنىڭ جارمەڭكەسى وتەدى. بۇل تۋرالى "اباي اقپارات" وقو اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى.

وسىعان وراي، وڭتۇستىك قازاقستان وڭىرىنەن باس قالاعا 300 توننادان استام اۋىل شارۋاشىلىعى ونىمدەرى تيەلگەن كەرۋەن جولعا شىقتى. مەرەيتويعا تارتۋ رەتىندە وڭتۇستىك قازاقستاندىق ديقاندار ءوز ونىمدەرىن نارىقتاعى باعادان 15-20 پايىزعا ارزان ساۋدالاماق،-دەپ جازادى رەسمي مالىمدەمەدە.

سونىمەن، كەرۋەن كوشىندە جالپى كولەمى 304 توننا بولاتىن ونىمدەردىڭ قۇرامىندا 60 توننا ەت جانە ەت ونىمدەرى، 126 توننا كوكونىس، 29 توننا جەمىس-جيدەك، 7 تن ءسۇت ونىمدەرى، 5 تن شۇبات، 25 مىڭ دانا جۇمىرتقا، 40 تن باقشا ونىمدەرى، 7 تن بالىق، 7 تن بال، 3 تن وسىمدىك مايى مەن 5 تن كەپتىرىلگەن جەمىس 15 تن باسقا دا ونىمدەر بار.

وڭتۇستىكتەن استاناعا اتتانعان اۋىل شارۋاشىلىق ونىمدەرىنىڭ جالپى قۇنى 100,8 ملن.تەڭگەنى قۇرايدى. ەلوردادا «حان شاتىر» ساۋدا-ويىن-ساۋىق ورتالىعى ماڭىندا 15-16 قازان كۇندەرى وتەتىن اۋىل شارۋاشىلىعى جارمەڭكەسىنە 50-دەن استام وڭتۇستىك ءوڭىردىڭ تاۋار وندىرۋشىلەرى ساپالى ءارى بالعىن ونىمدەرىن تۇرعىندارعا ۇسىنباق.

ايتا كەتەيىك، وڭتۇستىك قازاقستان وبلىسىنىڭ شارۋالارى ءوز ونىمدەرىن تەك قانا استانا نارىعىنا ەمەس، ەلىمىزدىڭ وزگە دە ايماقتارىنا ساۋدالاۋدا. ماسەلەن، اتالعان اۋىل شارۋاشىلىق ونىمدەرىنىڭ جارمەڭكەسى الماتى، پاۆلودار ولبىستارىندا دا ۇيىمداستىرىلعان بولاتىن. سونىمەن قاتار، وڭتۇستىك قازاقستان وبلىسىنان قاراكول قويلارى ساۋد ارابياسىنا ەكسپورتتالدى. بۇل اتالعان سەكتورداعى باستى جاڭالىق بولدى. وسىعان دەيىن شەتەلدەن مال باسىن تاسىپ، ءتۇرلى سۇرىپتاردى وندىرۋگە تالپىنعان قازاقستاننىڭ اۋىلشارۋاشىلىق مينيسترلىگىندەگى جاعىمدى جاڭالىق - ەندى قازاقستاننىڭ مال باسىنا شەتەلدىك سۇرانىس ارتۋدا.

 وقو اكىمىنىڭ ءباسپاسوز قىزمەتى