بۇل تۋرالى "Abai.kz" پورتالى وڭتۇستىك قازاقستان وبلىسى اكىمىنىڭ ءباسپاسوز قىزمەتىنە سىلتەمە جاساي وتىرىپ حابارلايدى. 

سۋ شىعىنىن 2-3 ەسەگە دەيىن ازايتاتىن وسىناۋ جوبانى «Golden Camel Group LTD» كومپانياسى جۇزەگە اسىرماق. وندىرىستىك قۋاتتىلىعى جوعارى بولىپ تابىلاتىن تەحنولوگيالارمەن جىلىنا 1500 گا ەگىستىك جەردى سۋعارۋعا بولادى. كاسىپورىن ىسكە قوسىلعاندا مۇندا 120 جاڭا جۇمىس ورنى اشىلادى دەپ كۇتىلۋدە.

ايتا كەتەيىك، وسى جىلدىڭ 28-29 ساۋىرىندە وبلىسىمىزدا وتكەن «Ontustik Invest-2016» حالىقارالىق ينۆەستيتسيالىق فورۋمى اياسىندا «Golden Camel Group LTD» كومپانياسىمەن ىنتىماقتاستىق تۋرالى مەموراندۋمعا قول قويىلعان بولاتىن. 

تۇركىستان قالاسىندا سالىناتىن ينۆەستيتسيالىق جوبا ونىمدەرىن نەگىزگى ساۋدالاۋشىلار - جەرگىلىكتى اۋىل شۋارۋاشىلىق ونىمدەرىن شىعارۋشىلار مەن تمد ەلدەرىنىڭ وندىرۋشىلەرى بولماق. 

جالپى جىل باسىنان بەرى وڭتۇستىك قازاقستان وبلىسىندا اۋىلشارۋاشىلىعى ماقساتىندا تامشىلاتىپ سۋعارۋ ءادىسى قوسىمشا 6 مىڭعا جۋىق گەكتارعا ەندىرىلىپ، جالپى كولەمى 49,7 مىڭ گەكتارعا جەتتى. بۇل بىزدەگى اتالعان جۇمىستاردىڭ رەسپۋبليكاداعى ۇلەسى 73% پايىز ەكەنىن كورسەتەدى. 

ايتا كەتەيىك، سوڭعى جىلدارى وڭتۇستىك قازاقستان وبلىسىندا اۋىلشارۋاشىعى سەكتورىندا ىلگەرى سەرپىلىس بايقالادى. وڭتۇستىكتىك شارۋالاردىڭ قاجىرلى جۇمىسىنا اكىمدىك تاراپىنان ءتۇرلى كومەكتەر كورسەتىلۋدە. 

Abai.kz